കൊച്ചി: ഭാരതീയ സ്ഥിതിവിവരശാസ്ത്രത്തിന്റെ പിതാവ് പ്രശാന്ത ചന്ദ്ര മഹലനോബിസിന് ഗൂഗിള്‍ ഡൂഡിലിന്റെ ആദരം. അദ്ദേഹത്തിന്റെ നൂറ്റി ഇരുപത്തിയഞ്ചാമത് പിറന്നാളാണിന്ന്. നിഷാന്റ് ചോക്സിയാണ് ഡൂഡിളിന് രൂപം നല്‍കിയത്.
പശ്ചിമ ബംഗാളില്‍ 1893 ജൂണ്‍ 29നാണ് മഹലനോബിസ് ജനിച്ചത്. ‘മഹലനോബിസ് അന്തരം’ എന്ന സ്ഥിതിവിവര ഏകകത്തിന്റെ പേരിലാണ് അദ്ദേഹം അറിയപ്പെടുന്നത്. ഭാരതീയ സ്ഥിതിവിവരശാസ്ത്ര പഠനകേന്ദ്രം (Indian Statistical Institute) സ്ഥാപിച്ചത് അദ്ദേഹമായിരുന്നു. ധാരാളം ബൃഹത് മാതൃകാ വ്യാപ്തിനിർണ്ണയങ്ങളിലും (surveys) അദ്ദേഹം സംഭാവനകൾ നൽകിയിട്ടുണ്ട്.
ഓക്സ്ഫോർഡ് യൂണിവേഴ്സിറ്റിയുടെ വെൽഡൻ മെഡൽ അദ്ദേഹത്തിനു ലഭിച്ചിരുന്നു. കൂടാതെ ചെക്ക് സയൻസ് അക്കാദമി മെഡലും അദ്ദേഹത്തിനും ലഭിച്ചിരുന്നു. ഭാരതം അദ്ദേഹത്തിനു പത്മഭൂഷൻ നൽകി ആദരിച്ചിരുന്നു. 1972 ജൂൺ 28-ന്, അദ്ദേഹത്തിന്റെ 79-ആം പിറന്നാളിന് ഒരു ദിവസം മുമ്പ് മഹലനോബിസ് ലോകത്തോട് വിട പറഞ്ഞു. ഈ പ്രായത്തിൽപ്പോലും അദ്ദേഹം ഗവേഷണങ്ങളിൽ വ്യാപൃതനാവുകയും ഐഎസ്ഐ മേധാവി, സർക്കാരിന്റെ ക്യാബിനറ്റിന്റെ സ്ഥിതിവിവര ഉപദേഷ്ടാവ് എന്നീ നിലകളിൽ പ്രവർത്തിക്കുകയും ചെയ്തിരുന്നു.
