കീഴല്ലൂര്: നിശ്ചയദാര്ഡ്യം മാത്രം കൈമുതലായ യുവാവിന് പഞ്ചഗുസ്തി മത്സരത്തില് ശ്രദ്ധേയ നേട്ടം. കീഴല്ലൂര് പാലയോട്ടെ കുഞ്ഞിരാമന്റെയും ജാനകിയുടെയും മകന് എം.എം.ഷിജുവാണ് നേട്ടങ്ങളുടെ പുതിയ വഴിയിലൂടെ സഞ്ചരിക്കുന്നത്. ഇക്കഴിഞ്ഞ ദിവസം ലക്നൗവില് നടന്ന 42-ാമത് ദേശീയ പഞ്ചഗുസ്തി മത്സരത്തില് കേരളത്തെ പ്രതിനിധീകരിച്ചാണ് വെങ്കല മെഡല് നേടിയത്. പാലയോട്ടെ സാധാരണ കുടുംബത്തില് ജനിച്ച ഷിജുവിന് ഇടതു കൈക്ക് സ്വാധീനക്കുറവുണ്ട്. പരിമിതിയില് വീര്പ്പു മുട്ടുന്ന കുടുംബത്തില് നിന്നുള്ള ഷിജു പരിശീലനമൊന്നുമില്ലാതെയാണ് ഈ രംഗത്ത് തിളങ്ങുന്നത്. ലഖ്നൗവില് നടന്ന ചാമ്പ്യന്ഷിപ്പില് ജനറല് വിഭാഗത്തിലാണ് പരിമിതികളെ മറികടന്ന് നേട്ടം കൊയ്തത്്. 20 വര്ഷം വരെ പരിശീലനം നേടിയ മികവുമായി എത്തിയ മത്സരാര്ഥികളും ഷിജു പരാജയപ്പെടുത്തിയവരില് ഉള്പ്പെടും. രണ്ടുമാസം കഴിഞ്ഞ് തുര്ക്കിയില് നടക്കുന്ന ലോക പഞ്ചഗുസ്തി മത്സരത്തില് ഇന്ത്യയെ പ്രതിനിധീകരിക്കാന് അര്ഹതനേടിയിട്ടുണ്ട്. തൃശൂരില് നടന്ന സംസ്ഥാന പഞ്ചഗുസ്തി മത്സരത്തില് സ്വര്ണമെഡല് നേടിയാണ് ദേശീയ മത്സരത്തിലേക്ക് തെരഞ്ഞെടുക്കപ്പെട്ടത്. ഇതിനകം ജില്ല തലത്തിലും സംസ്ഥാനതലത്തിലും പഞ്ചഗുസ്തി മത്സരത്തില് ഒട്ടേറെ നേട്ടങ്ങള്ക്ക് അര്ഹനായിട്ടുണ്ട്. സംസ്ഥാന തലത്തിലെ കമ്പവലി താരങ്ങളില് മികച്ച ഏഴാം നമ്പര് താരം കൂടിയാണ് വൈകല്യത്തെ മനക്കരുത്തുകൊണ്ട് തോല്പ്പിക്കുന്ന ഷിജു.
ദേശീയ പഞ്ചഗുസ്തി: എം.എം.ഷിജുവിന് വെങ്കലം; ഇന്ത്യയെ പ്രതിനിധീകരിച്ച് ഇനി തുര്ക്കിയിലേക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.