കറാച്ചി: പാക്കിസ്ഥാനില് യുവഗായിക ഗാനമേളക്കിടെ വെടിയേറ്റു മരിച്ചു. സമീന സമൂന് എന്ന ഗായികയാണ് സിന്ധ് പ്രവിശ്യയിലെ കാന്ഗ ഗ്രാമത്തില് വെച്ച് ആക്രമണത്തിനിരയായത്. സംഭവത്തില് വെടിയുതിര്ത്ത താരിഖ് ജതോയ് എന്നയാളെയും ഇയാളുടെ രണ്ട് സുഹൃത്തുക്കളെയും പോലീസ് അറസ്റ്റു ചെയ്തു.
വേദിയില് ഇരുന്നുകൊണ്ട് പാട്ടുപാടിയ സമീനയോട് സ്റ്റേജിനു മുന്നിലെത്തിയ അക്രമി എഴുന്നേറ്റ് നിന്ന് പാടാന് ആവശ്യപ്പെടുകയായിരുന്നു. ഗര്ഭിണിയായ സമീന സ്റ്റേജില് എഴുന്നേറ്റു നിന്നതും താരിഖ് വെടിവെക്കുകയായിരുന്നു. ഇവരെ ഉടന് അടുത്തുള്ള ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സമീന വെടിയേറ്റു വീണതിന്റെ മൊബൈല് ദൃശ്യങ്ങള് പുറത്തുവന്നിട്ടുണ്ട്.
ഭാര്യയും ഗര്ഭസ്ഥശിശുവിനെയും കൊലപ്പെടുത്തിയ പ്രതിക്കെതിരെ ഇരട്ടകൊലപാതകകുറ്റം ചുമത്തമെന്ന് സമീനയുടെ ഭര്ത്താവ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: