ഇരിട്ടി: മുഴക്കുന്ന് നല്ലൂരില് ഉത്സവം കണ്ട് മടങ്ങുകയായിരുന്ന എബിവിപി പ്രവര്ത്തകര്ക്ക് നേരെ അക്രമം നടത്തിയ കേസില് പ്രതികളായ സിപിഎം, ഡിവൈഎഫ്ഐ സംഘത്തെ മുഴക്കുന്ന് എസ്ഐ പി.രാജേഷ് അറസ്റ്റ് ചെയ്തു. സംഭവത്തില് ഷുഹൈബ് വധക്കേസിലെ പ്രതിയും. അരൂട്ടിയെന്ന അരുണ് (23), അനുരാജ് എന്ന കുട്ടാപ്പി (22), ഷാന്ഗണേഷ്എന്ന ബാവ (23) എന്നിവരെയാണ് അറസ്റ്റ് ചെയ്തത്. ഷുഹൈബ് കൊലക്കേസില് ഒളിവില് കഴിഞ്ഞിരുന്ന സമയത്ത് ഇപ്പോള് റിമാന്ഡിലുള്ള ചാത്തു എന്ന ജിതിനും അക്രമി സംഘത്തിലുണ്ടായിരുന്നതായി മറ്റ് പ്രതികള് മൊഴി നല്കിയതായി പോലീസ് പറഞ്ഞു. ഇരിട്ടി പയഞ്ചേരി സ്വദേശികളായ അമല് ആയഞ്ചേരി (23), സഹോദരന് അക്ഷയ് (18), വി. അമല് (22), ശരത്ത് രാജ് (18) എന്നിവരെയാണ് നല്ലൂര് പള്ളിയറ ഭഗവതി ക്ഷേത്രത്തില് തെയ്യം കണ്ട് വിട്ടിലേക്ക് മടങ്ങുമ്പോള് പ്രതികള് സംഘം ചേര്ന്ന് അക്രമിച്ചത്. കഴിഞ്ഞമാസം 23 ന് പുലര്ച്ചയോടെ ആയിരുന്നു അക്രമം. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
എബിവിപി പ്രവര്ത്തകര്ക്ക് നേരെ നടന്ന അക്രമക്കേസില് സിപിഎം- ഡിവൈഎഫ്ഐ സംഘം അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.