കണ്ണൂര്: ഗ്ലോബല് കേരള പ്രവാസി വെല്ഫെയര് അസോസിയേഷന്റെ പ്രഥമ സംസ്ഥാന പ്രതിനിധി സമ്മേളനം നാളെ രാവിലെ 10 മണിക്ക് കണ്ണൂര് സ്പോര്ട്സ് കൗണ്സില് ഹാളില് നടക്കും. ലോകമലയാളികളായ പ്രവാസികളെയും മുന് പ്രവാസികളെയും ജാതിമത രാഷ്ട്രീയ ഭേദമന്യേ ഒരു കുടകീഴില് അണിനിരത്തുക എന്ന ലക്ഷ്യത്തോടെയാണ് പുതിയ അസോസിയേഷന് ആരംഭിച്ചതെന്ന് സംസ്ഥാന പ്രസിഡന്റ് ഹാഷിം മുണ്ടോന് വാര്ത്താസമ്മേളനത്തില് അറിയിച്ചു. അംഗത്വ വിതരണവും നാളെ നടക്കും. ഒരു വര്ഷത്തെ പഠനശേഷം വര്ഷങ്ങളായി പ്രവാസികള് പൊതുവില് നേരിടുന്ന പ്രശ്നങ്ങളും അതിന്റെ മൂല കാരണങ്ങളും മനസിലായത്. അത് കൊണ്ടുതന്നെ അവയൊക്കെ പരിഹരിക്കാന് കഴിയുന്ന രീതിയിലുള്ള കൂട്ടായ പ്രവര്ത്തനമായിരിക്കും ഉണ്ടാകുക. പ്രവാസികളുടെയും തിരിച്ചു വന്ന മുന്പ്രവാസികളുടെയും പ്രശ്ന പരിഹാരങ്ങള്ക്ക് വേണ്ടി 14 ജില്ലകളിലും ഹെല്പ്പ് ഡസ്ക് ആരംഭിക്കാനും തീരുമാനിച്ചതായി ഭാരവാഹികള് അറിയിച്ചു. വാര്ത്താസമ്മേളനത്തില് എം.നിസാമുദ്ദീന്, ഹസീബ്ഹസ്സന്, സക്കറിയ, പ്രസന്നകുമാര് എന്നിവരും പങ്കെടുത്തു.
പ്രതിനിധി സമ്മേളനം നാളെ
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.