ചങ്ങനാശ്ശേരി: ഓരോ ഭാരതീയനും ഭാരതത്തിന്റെ വളര്ച്ച മുന്നില് കണ്ടുള്ള പ്രവര്ത്തനമാണ് ലക്ഷ്യം വയ്ക്കേണ്ടതെന്ന് കേന്ദ്ര ടൂറിസം മന്ത്രി അല്ഫോണ്സ് കണ്ണന്താനം. പെരുന്ന ശിവഗംഗ ഓഡിറ്റോറിയത്തില് എന്. പി. ഉണ്ണിപ്പിള്ള അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു മന്ത്രി. വലിപ്പച്ചെറുപ്പമില്ലാതെ എല്ലാവരെയും സ്നേഹത്തോടുകൂടി ഒരുമിച്ച് നിര്ത്തി പ്രവര്ത്തിച്ച വ്യക്തിയാണ് ഉണ്ണിപ്പിള്ളയെന്നും കണ്ണന്താനം പറഞ്ഞു. നഗരസഭ ചെയര്മാന് സെബാസ്റ്റ്യന് മാത്യു മണമേല് അധ്യക്ഷനായി.
ഉത്തരവാദിത്വങ്ങള് നിറവേറ്റുമ്പോഴാണ് സ്വയംസേവകന്റെ പ്രവര്ത്തനം വിജയിക്കുന്നതെന്ന് അനുസ്മരണ പ്രഭാഷണം നടത്തിയ ആര്എസ്എസ് ദക്ഷിണ ക്ഷേത്രീയ പ്രചാര്പ്രമുഖ് പി. ആര്. ശശിധരന് പറഞ്ഞു.
സാംസണ് വലിയപറമ്പില്, ജോസഫ് ആന്റണി, നാരായണക്കുറുപ്പ്, എച്ച്. രാജേഷ്, വാഴപ്പള്ളി സതീഷ് എന്നിവരെ ആദരിച്ചു. പ്രൊഫ. പി.കെ. ബാലകൃഷ്ണക്കുറുപ്പ്, അഡ്വ. ജി. രാമന്നായര്, പ്രൊഫ. പി. മാധവന്പിള്ള, എം.ബി. രാജഗോപാല് എന്നിവര് പ്രസംഗിച്ചു.
