പാനൂര്: ജീവകാര്യണ്യ പ്രവര്ത്തനമുളളിടത്ത് നിന്നും സംഘര്ഷം ദുരീകരിക്കപ്പെടുമെന്നും അതിനായി പ്രവര്ത്തിക്കുന്നവര്ക്ക് സംഘര്ഷത്തിന് സാധ്യമല്ലെന്നും ആര്എസ്എസ് പ്രാന്തീയ സേവാപ്രമുഖ് എ.വിനോദ് പറഞ്ഞു. പാനൂര് യുപി സ്ക്കൂളില് സേവാഭാരതി പാനൂര് യൂനിറ്റ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ആര്എസ്എസിന്റെ സേവനമുഖമാണ് സേവാഭാരതി. അശരണരും അവശരുമായവരെ സഹായിക്കാന് മത രാഷ്ട്രീയ ഭേദമന്യേ പ്രവര്ത്തിക്കുന്ന സംഘടനയാണിത്. ആരെങ്കിലും എന്തെങ്കിലും ചെയ്യുന്നത് കണ്ട് അതു നടപ്പിലാക്കുക എന്നതല്ല സേവനം. അര്ഹതപ്പെട്ടവര്ക്ക് സേവനം ചെയ്യാനാണ് നാം ശ്രമിക്കേണ്ടത്. അങ്ങിനെ ചെയ്താല് സമൂഹം നമ്മോടൊപ്പം ഉണ്ടാവുമെന്നും അദ്ദേഹം തുടര്ന്നു പറഞ്ഞു. കെ.പ്രകാശന് മാസ്റ്റര് അദ്ധ്യക്ഷത വഹിച്ചു. അരയ്ക്കു കീഴെ തളര്ന്ന വളളങ്ങാട്ടെ എം.സി.മോഹനന് മുചക്ര വാഹനം ആര്എസ്എസ് വിഭാഗ് സംഘചാലക് സി.ചന്ദ്രശേഖരന് കൈമാറി. നിര്ധനരായ വിദ്യാര്ത്ഥികള്ക്കുളള സ്കോളര്ഷിപ്പ് വിതരണം സേവാഭാരതി സംസ്ഥാന കമ്മറ്റിയംഗം എം.രാജീവന് നിര്വ്വഹിച്ചു. മനേക്കരയിലെ നിഖിലിനുളള ചികിത്സാ സഹായം ആര്എസ്എസ് പാനൂര് ഖണ്ഡ് സംഘചാലക് എന്.കെ.നാണു മാസ്റ്റര് വിതരണം ചെയ്തു. കണ്ണൂര് യൂണിവേഴ്സിറ്റി പരീക്ഷയില് മൂന്നാം റാങ്ക് നേടിയ കൊങ്കച്ചിയിലെ പി.പി.ഹരിതയെ എ.വിനോദ് അനുമോദിച്ചു. കലോത്സവ വിജയികള്ക്ക് ഉപഹാരം നല്കി.
സി.ചന്ദ്രശേഖരന്, സിപിഎം പാനൂര് ലോക്കല് സെക്രട്ടറി കെ.കെ.പ്രേമന്, ബിജെപി മണ്ഡലം പ്രസിഡണ്ട് സി.കെ.കുഞ്ഞിക്കണ്ണന്, കോണ്ഗ്രസ് നേതാവ് ടി.കെ.അശോകന്, ജനതാദള് നേതാവ് പി.കെ.പ്രവീണ്, മുസ്ലീംലീഗ് നേതാവ് ഇ.സലീം, ബിഎംഎസ് നേതാവ് ജ്യോതിര്മനോജ് തുടങ്ങിയവര് പ്രസംഗിച്ചു. വി.പി.ജിതേഷ് സ്വാഗതവും വിജേഷ് നന്ദിയും പറഞ്ഞു. ടൗണില് സേവാഭാരതി ഓഫീസ് ഉദ്ഘാടനവും എ.വിനോദ് നിര്വ്വഹിച്ചു.
