ഏറ്റുമാനൂര്: സ്വാമി ഉദിത് ചൈതന്യയുടെ സനാതന ഭാഗവത സപ്താഹ യജ്ഞം ജനുവരി ഒന്നു മുതല് 8 വരെ ഏറ്റുമാനൂര് മഹാദേവക്ഷേത്രത്തിനു സമീപമുള്ള നന്ദാവനം ഓഡിറ്റോറിയത്തില് നടക്കും. അദ്ധ്യാത്മിക നവോത്ഥാനസമിതി, കേരള ക്ഷേത്ര സംരക്ഷണ സമിതി എന്നിവയുടെ അഭിമുഖ്യത്തിലാണ് സപ്താഹം നടത്തുന്നത്. ഒന്നിന് രാവിലെ 9 ന് വിവിധ നാരായണീയ സമിതിയുടെ ആഭിമുഖ്യത്തില് ശ്രീമദ് നാരായണീയ പാരായണം സുമ്പൂര്ണ്ണം , വൈകിട്ട് 4ന് ആചാര്യ വരണം ഏറ്റുമാനൂര് പേരുര് ജങ്ഷനില് നിന്ന് ശ്രീമദ് ഭാഗവതം കൈയ്യിലേന്തി 101 അമ്മമാര് താലപ്പൊലി ,വാദ്യഘോഷങ്ങളുടെ അകമ്പടിയോടെ സ്വാമി ഉദിത് ചൈതന്യയെ സപ്താഹ വേദിയിലേക്ക് ആനയിക്കും. പ്രസിഡന്റ് ഡോ.എം.എന് രവീന്ദ്രന് നായര് പൂര്ണ്ണ കുംഭം നല്കി സ്വീകരിക്കും. തുടര്ന്ന് 5ന് ആര്.രാമചന്ദ്രന് നായര് അദ്ധ്യക്ഷനായി ചേരുന്ന സമ്മേളനം അശ്വതി തിരുനാള് ഗൗരിലക്ഷ്മിഭായി ഉദ്ഘാടനം ചെയ്യും. ജസ്റ്റിസ്.പി.എല് .രവീന്ദ്രന് മുഖ്യപ്രഭാഷണവും, സ്വാമി അയ്യപ്പദാസ് അനുഗ്രഹ പ്രഭാഷണം നടത്തും. സുരേഷ് കുറുപ്പ് എംഎല്എ ,ജയിംസ് തോമസ് പ്ലാക്കി തൊട്ടില് ,ഏറ്റുമാനൂര് രാധാകൃഷ്ണന് ,ഡോ .സി .എന് .നാരായണന് നായര് ,പി .എന് .ഗോപാലകൃഷ്ണന് ,ഡോ .എം.എന് രവീന്ദ്രന് നായര് ,കെ .പി സഹദേവന് എന്നിവര് ആശംസകള് നേരും .കാവുങ്കല് ഡോ.സി.എന്.നാരായണന് നായര് രചിച്ച ഭക്തി മഞ്ജുഷ സ്വാമി ഉദിത് ചൈതന്യ പ്രകാശനം ചെയ്യും.തുടര്ന്നു സ്വാമി ഉദിത് ചൈതന്യയുടെ ഭാഗവത മാഹാത്മ്യപ്രഭാഷണം. യജ്ഞത്തിന്റെ ഭാഗമായി കാരുണ്യ പ്രവര്ത്തനങ്ങള് ,ചികിത്സാ സഹായം ,പഠന സഹായം എന്നിവ നല്കും.
സനാതന ഭാഗവത സപ്താഹയജ്ഞം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.