തൊടുപുഴ: സമ്മേളനത്തോടനുബന്ധിച്ച് ഇന്നലെ നടന്ന പ്രകടനം ജില്ലയിലെ ബിഎംഎസിന്റെ ശക്തി തെളിയിക്കുന്നതായി മാറി. ഉച്ചമുതല് ജില്ലയുടെ വിവിധ ഭാഗങ്ങളില് നിന്ന് തൊഴിലാളികളുടെ പ്രവാഹമായിരുന്നു തൊടുപുഴയിലേക്ക്. വൈകിട്ട് നാലരയോടെ നഗരസഭാ സ്വകാര്യ ബസ് സ്റ്റാന്ഡ് പരിസരത്ത് പ്രകടനത്തിനായി അണിനിരന്നത് ആയിരങ്ങളാണ്.
തുടര്ന്ന് നിശ്ചല ദൃശ്യങ്ങളുടെയും വാദ്യമേളങ്ങളുടെയും അകമ്പടിയോടുകൂടി നടന്ന പ്രകടനം കാഴ്ച്ചക്കാരില് കൗതുകമുണര്ത്തുന്നതായിരുന്നു. പാലാ റോഡ് വഴിയെത്തിയ പ്രകടനം പഴയ പാലം കടന്ന് അമ്പലം ബൈപ്പാസ് വഴി നീങ്ങി.
പിന്നീട് റോട്ടറി ജങ്ഷനില് നിന്ന് തിരിഞ്ഞ് മൂവാറ്റുപുഴ റോഡ് വഴി മാര്ക്കറ്റ് റോഡിലൂടെ മങ്ങാട്ടുകവലയിലെത്തുകയായിരുന്നു. പ്രകടനത്തില് തൊഴിലാളികള്ക്കൊപ്പം നൂറ് കണക്കിന് അനുഭാവികളും അണിചേര്ന്നതോടെ തൊടുപുഴ കാവിക്കടലായി മാറുകയായിരുന്നു.
