അഞ്ചല്:’ഭാരതചരിത്രത്തിലേക്കും ആദ്ധ്യാത്മിക പാരമ്പര്യത്തിലേക്കും മിഴി തുറക്കുന്ന ചരിത്രപ്രദര്ശിനി ശ്രദ്ധേയമാകുന്നു. വടമണ് അയണിക്കോട് പിനാക്കിള് കോളേജ് ഓഫ് എന്ജിനീയറിങില് നടക്കുന്ന ആര്എസ്എസ് പ്രാഥമിക ശിക്ഷാവര്ഗിലാണ് ചരിത്ര പ്രദര്ശിനി ഒരുക്കിയിരിക്കുന്നത്.
ശ്രീരാമകൃഷ്ണ പരമഹംസര്, സ്വാമി വിവേകാനന്ദന്,’ഭഗിനി നിവേദിത, ഡോക്ടര്ജി, ശ്രീഗുരുജി എന്നിവരുടെ ദര്ശനങ്ങള് പരിചയപ്പെടുത്തുന്ന സചിത്ര വിവരണങ്ങള്, സ്വാതന്ത്ര സമര പോരാട്ടങ്ങള്ക്ക് ചൂടും ചൂരും പകര്ന്ന മഹാത്മാഗാന്ധിജി, ഭഗത്സിങ്, വീരസവര്ക്കര്, ചന്ദ്രശേഖര് ആസാദ്, ഝാന്സിറാണി, താന്ത്യാത്തോപ്പേ, ദാദാഭായി നവറോജി, മംഗല്പാണേ്ഡ, അരവിന്ദഘോഷ്, ബാല് ഗംഗാധര തിലകന്, സുഭാഷ് ചന്ദ്രബോസ് തുടങ്ങിയവരുടെ ജീവിത കാലം പരിചയപ്പെടുത്തുന്ന ഏടുകള് സവിശേഷതയാണ്. ഗുരു ഗോവിന്ദ് സിംഗിന്റെ ചരിത്രം ദേശസ്നേഹികളുടെ കണ്ണീരണിയിക്കുന്നതാണ്.
പ്രദര്ശിനിയുടെ ഒരു’ഭാഗം കേരളത്തിലെ സാമൂഹ്യ പരിഷ്കര്ത്താക്കളെ പരിചയപ്പെടുത്തുന്നു. ശ്രീനാരായണ ഗുരുദേവന്, ചട്ടമ്പിസ്വാമികള്, മഹാത്മാ അയ്യങ്കാളി, കുമാര ഗുരുദേവന്, സ്വാമി ആഗമാനന്ദ, മഞ്ചേരി രാമയ്യര്, ആറാട്ടുപുഴ വേലായുധ പണിക്കര്, ടി.എസ്. തിരുമുമ്പ്, ബ്രഹ്മാനന്ദ ശിവയോഗി, വി.ടി. ഭട്ടതിരിപ്പാട്, ഡോ.പല്പ്പു, സഹോദരന് അയ്യപ്പന്, ശുഭാനന്ദ ഗുരുദേവന്, കെ.കേളപ്പന് തുടങ്ങിയവരുടെ സചിത്ര വിവരണങ്ങള് പ്രദര്ശിനിയുടെ ഭാഗമാണ്. 1921ലെ മാപ്പിള ലഹള, നിലയ്ക്കല് പ്രക്ഷോഭം, തളിക്ഷേത്ര വിമോചന സമരം, മലപ്പുറം ജില്ലാവിരുദ്ധ പ്രക്ഷോഭം, അമര്നാഥ് പ്രക്ഷോഭം, മാറാട് സമരം തുടങ്ങിയ മുന്നേറ്റ ചരിത്രങ്ങള് ഉള്പ്പുളകത്തോടെയേ ആര്ക്കും കാണാനാകൂ.സംഘസാഹിത്യങ്ങളുടെ വിപുലമായ പ്രദര്ശനവും ഉള്പ്പെടുത്തിയിട്ടുണ്ട്. ശിബിരം 31ന് അവസാനിക്കും.
