രാമപുരം: അന്ത്യാളം-കൊല്ലപ്പിള്ളി റോഡിന്റെ നിര്മ്മാണ പ്രവര്ത്തനങ്ങള് നിര്ത്തിവച്ച നടപടിക്കെതിരെ ബിജെപി ജനകീയ സമരം ആരംഭിക്കുന്നു. റോഡിന്റെ നിര്മ്മാണ പ്രവര്ത്തനത്തിനുള്ള മെറ്റല് ഉള്പ്പെടെയുള്ള നിര്മ്മാണ സാമഗ്രികള് കാല്നടയാത്രക്കാര്ക്കും, വാഹനങ്ങള്ക്കും തടസം സൃഷ്ടിച്ചുകൊണ്ട് റോഡിലുടനീളം കൂട്ടിയിട്ടിരിക്കുകയാണ്. പത്തോളം സ്കൂളുകളിലെ ബസുകളും, മറ്റ് സ്വകാര്യ വാഹനങ്ങളും, സ്കൂള് കുട്ടികള് ഉള്പ്പെടെ ആയിരക്കണക്കിന് ആളുകളും സഞ്ചരിക്കുന്ന റോഡാണ് ഇത്.
നിരവധി ഇരുചക്രവാഹനങ്ങള് അപകടത്തില്പ്പെടുന്നത് പതിവാണ്. റോഡിന്റെ നിര്മ്മാണ പ്രവര്ത്തനങ്ങള് നിര്ത്തിവച്ചിട്ട് മാസങ്ങളായി. ആയതിനാല് എത്രയും പെട്ടെന്ന് ഈ റോഡിന്റെ നവീകരണ പ്രവര്ത്തനങ്ങള് പൂര്ത്തിയാക്കണമെന്ന് ആവശ്യപ്പെട്ട് ബിജെപി പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയര്ക്ക് പരാതി നല്കി. അല്ലാത്ത പക്ഷം ശക്തമായ ജനകീയ സമരത്തിന് ബിജെപി നേതൃത്വം നല്കുമെന്ന് പാര്ട്ടി പഞ്ചായത്ത് ജനറല് സെക്രട്ടറി ജയന് കരുണാകരന് അറിയിച്ചു.
