മുണ്ടക്കയം: പുഞ്ചവയലില് ആനന്ദ് ഹോട്ടല് ആക്രമിച്ച് ജീവനക്കാരനെ മര്ദ്ദിച്ച സംഭവത്തില് പ്രതികളെ ഉടന് അറസ്റ്റ് ചെയ്യണമെന്ന് ബിജെപി പുഞ്ചവയല് മേഖല കമ്മറ്റി ആവശ്യപ്പെട്ടു.
തിങ്കളാഴ്ച രാത്രി 7മണിയോടെ പുഞ്ചവയലിലെ മാര്ട്ടിന്, വിഷ്ണു എന്നിവര് ഹോട്ടലിന്റെ ഗ്ളാസ്സുകള് തല്ലിതകര്ക്കുകയും ജീവനക്കാാരനായ മഹേഷിനെ മര്ദ്ദിക്കുകയുമായിരുന്നു.മര്ദ്ദനത്തില് പരിക്കേറ്റ മഹേഷ് കാഞ്ഞിരപ്പള്ളി സര്ക്കാര് ആശുപത്രിയില് ചികിത്സ തേടിയിരുന്നു.
അക്രമം നടത്തിയ മാര്ട്ടിനും വിഷ്ണുവും ഇപ്പോഴും നാട്ടില് സൈ്വര്യവിഹാരം നടത്തുകയാണെന്നും ഇവര്ക്കെതിരെ ദുര്ബലമായ വകുപ്പുകള് ചാര്ജ് ചെയ്ത പോലീസ് നടപടി അപലപനീയമാണെന്നും ബിജെപി ആരോപിക്കുന്നു.അക്രമികളെ ഉടന് അറസ്റ്റ് ചെയ്ത് നിയമത്തിന് മുന്പില് കൊണ്ടുവരണമെന്ന് ബിജെപി നേതാക്കള് ആവശ്യപ്പെട്ടു. യോഗത്തില് ബിജെപി നേതാക്കളായ കെ.കെ ശേഖരന്, പി.കെ പ്രഭാകരന്, പി.ജി സജി തുടങ്ങിയവര് പ്രസംഗിച്ചു.
