കാക്കനാട്: ദേശീയ നഗര ഉപജീവന മിഷന് പദ്ധതി പ്രവര്ത്തനങ്ങള് ഫീല്ഡ് തലത്തില് നടപ്പാക്കുന്നതിന് തൃക്കാക്കര, കളമശ്ശേരി, ഏലൂര്, തൃപ്പൂണിത്തുറ നഗരസഭകളിലേക്ക് കമ്മ്യൂണിറ്റി ഓര്ഗനൈസര്മാരെ 12 മാസത്തേക്ക് കരാര് അടിസ്ഥാനത്തില് നിയമിക്കുന്നതിന് അപേക്ഷ ക്ഷണിച്ചു. അപേക്ഷകര് കുടുംബശ്രീ അംഗങ്ങളായ വനിതകളായിരിക്കണം. ഉദ്യോഗാര്ഥികള് അതാത് നഗരസഭ പരിധിയില് താമസിക്കുന്നവരാകണം. അടിസ്ഥാന യോഗ്യത പ്ലസ് ടു. കമ്പ്യൂട്ടര് പരിജ്ഞാനം അഭികാമ്യം. സാമൂഹ്യ വികസനവുമായി ബന്ധപ്പെട്ട മേഖലയില് മൂന്നു വര്ഷത്തെ പ്രവൃത്തി പരിചയം വേണം. ഇംഗ്ലീഷ് ഭാഷാ പ്രാവീണ്യം അധിക യോഗ്യതയായി പരിഗണിക്കും. എസ്ജെഎസ്ആര്വൈ പദ്ധതിയില് സിഒ ആയി പ്രവൃത്തി പരിചയമുള്ളവര്ക്കും കുടുംബശ്രീയില് സിഒ മാരായി പ്രവര്ത്തിച്ചവര്ക്കും മുന്ഗണന. പ്രായം ഡിസംബര് ഒന്നിന് 45 വയസ് കവിയരുത്. പ്രതിമാസ ശമ്പളം 10,000 രൂപ. ഡിസംബര് 22 നു നടക്കുന്ന അഭിമുഖത്തിന്റെ അടിസ്ഥാനത്തിലായിരിക്കും നിയമനം. വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകര്പ്പുകള് സഹിതം അതാത് സിഡിഎസുകളില് അപേക്ഷ സമര്പ്പിക്കണം. അവസാന തീയതി ഡിസംബര് 20 വൈകിട്ട് അഞ്ചു മണി. വിവരങ്ങള്ക്ക് കാക്കനാട് സിവില് സ്റ്റേഷനില് പ്രവര്ത്തിക്കുന്ന കുടുംബശ്രീ ജില്ലാ ഓഫീസുമായി ബന്ധപ്പെടുക.
കുടുംബശ്രീഅംഗങ്ങള്ക്ക് അപേക്ഷിക്കാം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.