ആലപ്പുഴ:”തോമസ് ചാണ്ടിയ്ക്ക് ഒത്താശ ചെയ്യുന്ന ആലപ്പുഴ നഗരസഭാ സെക്രട്ടറിയെ പുറത്താക്കണമെന്ന് ബിജെപി ആലപ്പുഴ ജില്ലാ സെക്രട്ടറി എല്.പി. ജയചന്ദ്രന് ആവശ്യപ്പെട്ടു.
ലേക്ക് പാലസ് റിസോര്ട്ടിന്റെ രണ്ട് കോടി രൂപ നികുതി പിരിക്കാതെ ഫയലുകള് മുക്കിയ ആലപ്പുഴ മുനിസിപ്പല് സെക്രട്ടറി, ജോലി ചെയ്യാതെ സമരം ചെയ്ത ജീവനക്കാര്ക്ക് കൗണ്സിലിന്റെ തീരുമാനം മറികടന്നു ശമ്പളം നല്കി എല്ഡിഎഫിനോടുള്ള തന്റെ കടപ്പാട് വ്യക്തമാക്കി. ഇടതും വലതും നഗരസഭയില് പരസ്പരം എതിര്ക്കുകയും രാത്രിയില് പരസ്പരം ഒത്തുതീര്പ്പു ചര്ച്ചകള് നടത്തുകയുമാണ് ചെയ്യുന്നത്.
ആലപ്പുഴ നഗരസഭാ സെക്രട്ടറിയുടെ ഓഫീസ് ഉപരോധിച്ചുകൊണ്ടു നടന്ന ഉപരോധസമരം ഉത്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. ആലപ്പുഴ മണ്ഡലം പ്രസിഡന്റ് ജി. വിനോദ്കുമാര് അദ്ധ്യക്ഷനായി. മണ്ഡലം ജനറല് സെക്രട്ടറി ലിജു, ആര്. കണ്ണന്, വി.സി. സാബു, ജ്യോതി രാജീവ്, ആര്. ഹരി, പാര്വ്വതി സംഗീത്, റാണി രാമകൃഷ്ണന്, സലിലാകുമാരി, ഉണ്ണികൃഷ്ണ മേനോന്, റാം സുന്ദര്, പ്രവീണ്, ബാബു എന്നിവരും സംസാരിച്ചു.
