കരുനാഗപ്പള്ളി: കുട്ടികളിലെ ലഹരിഉപയോഗത്തിനെതിരെ അവബോധം സൃഷ്ടിക്കാന് പഞ്ചായത്ത്, പോലീസ്, എക്സയിസ്, ഹെല്ത്ത് വകുപ്പുകളുടെ ഏകോപനത്തോടെ എസ്പിസി, സ്കൗട്ട് ആന്റ് ഗൈഡ്സ്, റെഡ്ക്രോസ് എന്നിവയുടെ നേതൃത്വത്തില് കുലശേഖരപുരം പഞ്ചായത്ത് ഓഫീസ് പടിയ്ക്കല് നിന്നും ലഹരിവിരുദ്ധറാലി നടത്തി.
റാലി സ്കൂള് ഹെഡ്മിസ്ട്രസ് സുജാത ഫ്ളാഗ് ഓഫ് ചെയ്തു. ജനമൈത്രിപോലീസിന്റെ നേതൃത്വത്തില് അവബോധ നാടകവും അവതരിപ്പിച്ചു.
പരിപാടിയ്ക്ക് എസ്എംസി ചെയര്മാന് കൃഷ്ണകുമാര്, പഞ്ചായത്ത് സെക്രട്ടറി ശ്രീരാഗ്, അദ്ധ്യാപകരായ കെ.സന്തോഷ്.വിക്രം, ബിജു, അജിതകുമാരി, രാജ്നാരായണന്, സതി, അജിതാകുമാരി തുടങ്ങിയവര് നേതൃത്വം നല്കി.
