കണ്ണൂര്: കേരളത്തിലെ ഹൈന്ദവ ക്ഷേത്രങ്ങള്ക്കെതിരെ സര്ക്കാര് നടത്തുന്ന നീക്കം പ്രതിഷേധാര്ഹമാണെന്ന് തീയ്യമഹാസഭ ജില്ലാ കമ്മറ്റി ആരോപിച്ചു. മറ്റ് മതസ്ഥരുടെ ആരാധനാലയങ്ങള്ക്ക് യാതൊരു നീയന്ത്രണങ്ങളുമില്ലാതെ പ്രവര്ത്തിക്കുവാന് കേരളം ഭരിക്കുന്ന ഇടത്-വലത് സര്ക്കാറുകള് ഒത്താശ നല്കുമ്പോള് ഹൈന്ദവ ക്ഷേത്രങ്ങള്ക്കെതിരെ ഓര്ഡിനന്സുകളിലൂടെ നിയമങ്ങള് കൊണ്ടുവന്ന് ഇവ പിടിച്ചെടുക്കാന് ശ്രമിക്കുന്നത് ഹൈന്ദവ ജനതയോട് കാണിക്കുന്ന വെല്ലുവിളിയാണ്. ഹൈന്ദവ ക്ഷേത്രങ്ങളിലെ വരുമാനങ്ങളില് കണ്ണ് വെക്കുന്ന സര്ക്കാര് മറ്റു സമുദായങ്ങളുടെ ആരാധനാലയങ്ങളിലെ വരുമാനത്തില് കണ്ണ് വെക്കാത്തത് ഇരട്ടത്താപ്പാണ്. ഈ സാഹചര്യത്തില് ഹൈന്ദവ ജനത രാഷ്ട്രീയം മറന്ന് ഒറ്റക്കെട്ടായി മുന്നോട്ട് പോകണമെന്നും കമ്മറ്റി ആഹ്വാനം ചെയ്തു. എം.ടി.പ്രകാശന് അധ്യക്ഷത വഹിച്ചു. റിലേഷ് ബാബു, സി.കെ.സദാനന്ദന്, രാജീവന് പള്ളിക്കണ്ടി, പി.കെ.ലക്ഷ്മണന്, സുരേഷ് ബാബു ചേലേരി, ശ്രീനിവാസന് കൂക്കിരി തുടങ്ങിയവര് സംസാരിച്ചു.
ഹൈന്ദവക്ഷേത്രങ്ങള്ക്കെതിരെയുള്ള സര്ക്കാര് നീക്കം പ്രതിഷേധാര്ഹം: തീയ്യമഹാസഭ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.