കൊല്ലം: വാഹന അപകടത്തിലുണ്ടായ പരിക്കും അര്ബുദ രോഗവും സാ ഹിത്യ രചനയെ തളര് ത്താതെ ഇഞ്ചവിള ചിറ്റയും ഉല്ലാസ് ഭവനില് പെരിനാട് ഖാദര്. ജില്ല യിലെ ആദ്യകാല കോണ് ഗ്രസ് നേതാക്കളില് ഒരാളായിരുന്നു ഖാദര്. എന്നാല് നേതൃത്വത്തിന്റെ വഴിവിട്ട പോക്കല് മനംമടുത്ത് കോണ്ഗ്രസില് നിന്ന് രാജിവച്ച് ഇപ്പോള് ബിജെപി പ്രവര്ത്തകനാണ്. ഇരുചക്ര വാഹനാപകടത്തില് അരയ്ക്കു താഴെയും കാലുകള്ക്കും മാരകമായ പരിക്ക് പറ്റി. പരസഹായം കൂടാതെ നടക്കാന് ബുദ്ധിമുട്ടുന്ന ഖാദറിനെ അര്ബുദ രോഗവും പിടികൂടി. ഊന്നു വടിയുടെ സഹായത്താലാണ് ഇപ്പോള് നടക്കുന്നത്. തുടര്ച്ചയായ ആയുര്വേദ ചികിത്സയിലൂടെ ആരോഗ്യം വീണ്ടെടുക്കാമെന്ന് ഡോക്ടര്മാര് പറഞ്ഞ പ്രതീക്ഷയിലാണ് ഖാദര്. ദിവസേന മരുന്നിനും ചിത്സയ്ക്കുമായി ഏകദേശം 2000 ത്തോളം രൂപ ആവശ്യമുണ്ട്. ഈ തുക കണ്ടെത്തുന്നതിനും ഖാദര് വിഷമിക്കുന്നു. ശാരീരിക അവശതകള് കാരണം സജീവ രാഷ്ട്രീയത്തില് നിന്നും വിട്ടു നില്ക്കുന്ന ഖാദര് ഈ അവശ നിലയിലും രണ്ടു പുസ്തകങ്ങളുടെ പണിപ്പുരയിലാണ്. ആരുടെയെങ്കിലും സഹായമുണ്ടെങ്കില് അത് പുറത്തിറക്കാമെന്നാണ് വിശ്വാസം.
കേരള സംസ്ഥാന സാംസ്കാരിക പ്രസിദ്ധീകരണ വകുപ്പ് കൃഷിയെകുറിച്ചുള്ള പഠനഗ്രന്ഥമായി തെരഞ്ഞെടുത്ത ‘കരുത്തുറ്റ കൃഷി നാടിന്റെ ശക്തി’ എന്ന കൃതിയുടെയും രചയിതാവായ പെരിനാട് ഖാദര് നിരവധി കവിതകള്, നോവലുകള്, നീണ്ട കഥകള്, ചെറുകഥ സമാഹാരങ്ങള്, ലേഖനങ്ങള് എന്നിവര് പ്രസിദ്ധീകരിച്ചിട്ടുണ്ട്.
ജില്ലയിലെ ആദ്യത്തെ യൂത്ത്കോണ്ഗ്രസ് ബ്ലോക്ക് പ്രസിഡന്റ്, കോണ്ഗ്രസ് ജനറല് സെക്രട്ടറി, കൊല്ലം ഡിസിസി അംഗം, ചിറ്റയം കയര് വ്യവസായ സഹകരണ സംഘം പ്രസിഡന്റ് തുടങ്ങിയ ചുമതലകളില് ഒരു കാലഘട്ടത്തില് കോണ്ഗ്രസ് വേദികളില് നിറസാന്നിദ്ധ്യമായിരുന്ന ഖാദര്. ഇന്ദിരാഗാന്ധിയോടൊപ്പം തെരഞ്ഞെടുപ്പ് യോഗങ്ങളില് പങ്കെടുത്തിട്ടുണ്ട്. വര്ഷങ്ങള്ക്കു മുന്പ് കൊല്ലത്തു നടന്ന കയര് തൊഴിലാളി സമരത്തെ കോണ്ഗ്രസിലെ ചില നേതാക്കള് കാലുവാരിയതില് പ്രതിഷേധിച്ചാണ് ഖാദര് പാര്ട്ടി വിട്ട് ബിജെപിയില് ചേര്ന്നത്.
ബിജെപി സംസ്ഥാനത്തെ പ്രമുഖ നേതാക്കള്ക്കൊപ്പം അദ്ദേഹം വേദി പങ്കിട്ടുണ്ട്. കരുനാഗപ്പള്ളിയില് നടന്ന തെരഞ്ഞെടുപ്പ് പ്രചരണ യോഗത്തില് രാമജന്മഭൂമി വിഷയത്തില് മുസ്ലീം മതവിശ്വാസികള്ക്ക് മക്ക പോലെയാണ് ഹിന്ദുക്കള്ക്ക് അയോധ്യയും എന്ന് പ്രസംഗിച്ചതിനെ തുടര്ന്ന് സ്വസമുദായത്തില് നിന്നും നിരവധി എതിര്പ്പുകള് നേരിടേണ്ടി വന്നു. ഇതിനെയെല്ലാം തരണം ചെയ്ത് ഇപ്പോഴും ദേശീയ പ്രസ്ഥാനത്തിനൊപ്പം അടിയുറച്ചു നില്ക്കുയാണ് പെരിനാട് ഖാദറും കുടുംബവും. ഭാര്യ: മുത്ത് ബീവി. മകള്: ഷെമി മോള്
