സേവാസംഗമം സമാപന സഭയില് ആര്എസ്എസ് അഖിലഭാരതീയ കാര്യകാരി സദസ്യന് സുഹാസ്റാവു ഹിരമിഡ് പ്രസംഗിക്കുന്നു
ഗുരുവായൂര്: സേവാപ്രവര്ത്തനം ശരീരത്തേയും മനസ്സിനേയും ബുദ്ധിയേയും നവീകരിക്കുമെന്നും തീര്ത്ഥാടനത്തേക്കാള് വലിയ പുണ്യവും ആനന്ദവും നല്കുമെന്നും ആര്എസ്എസ് അഖിലഭാരതീയ കാര്യകാരി അംഗം സുഹാസ്റാവു ഹിരമിഡ്. സേവാഭാരതി സേവാസംഗമത്തില് സമാപനപ്രഭാഷണം നടത്തുകയായിരുന്നു അദ്ദേഹം.
ഭാരതീയരുടെ ജീവിതത്തില് അലിഞ്ഞുചേര്ന്ന സ്വഭാവമാണ് സേവനം. പത്തുകോടിയിലധികം ഭാരതീയര് ജീവിതത്തില് എന്തെങ്കിലും തരത്തിലുള്ള സേവാപ്രവര്ത്തനങ്ങളില് ഏര്പ്പെടുന്നവരാണ്. മറ്റുള്ളവരുടെ ദു:ഖങ്ങള് കാണുമ്പോള് അലിയുന്ന മനസ്സുള്ളവരാണ് ഭാരതീയര്. സ്വയം ത്യാഗം ചെയ്യുന്നവരെ ശ്രേഷ്ഠരായി കരുതുന്ന പാരമ്പര്യമാണ് ഭാരതത്തിനുള്ളത്.
പണമോ കെട്ടിടമോ സംവിധാനങ്ങളോ അല്ല സേവാനിരതനായ പ്രവര്ത്തകനാണ് സേവനസംരംഭങ്ങളുടെ കരുത്തെന്നും അദ്ദേഹം പറഞ്ഞു.ക്ഷേത്രങ്ങളും ആരാധനാലയങ്ങളും മനുഷ്യരുടെ കണ്ണീരൊപ്പുന്ന സേവാകേന്ദ്രങ്ങളായി മാറണം. ഇത് സമൂഹത്തില് വലിയ പരിവര്ത്തനം സൃഷ്ടിക്കും, അദ്ദേഹം പറഞ്ഞു.
