പത്തനാപുരം: വിളക്കുടി വെസ്റ്റ് ലോക്കല് സമ്മേളനം ചേരി തിരിഞ്ഞുളള കൂട്ടത്തല്ലോടെയാണ് സമാപിച്ചത്. കഴിഞ്ഞദിവസം വൈകിട്ടായിരുന്നു സംഭവം.
ലോക്കല്സമ്മേളനത്തിന് സമാപനം കുറിച്ചുനടന്ന പ്രകടനത്തിന് മുന്നെയായിരുന്നു തമ്മില്തല്ല്. നിലവിലത്തെ ലോക്കല്സെക്രട്ടറിയെ മാറ്റണമെന്നാവശ്യപ്പെട്ട് ഒരുവിഭാഗം മത്സരത്തിനായി രംഗത്തെത്തിയിരുന്നു. പ്രകടനത്തിനിടയിലും ഇതേ ചൊല്ലിയുണ്ടായ തര്ക്കമാണ് അടിപിടിയില് കലാശിച്ചത്. കുന്നിക്കോട്ടെ പ്രാദേശിക ഡിവൈഎഫ്ഐ പ്രവര്ത്തകരാണ് കൂട്ടത്തല്ലിന് ചുക്കാന് പിടിച്ചത്.
എസ്എഫ്ഐ മുന്ജില്ലാ വൈസ് പ്രസിഡന്റ് വാഹിദിനാണ് ആദ്യം മര്ദനമേറ്റത്. പിന്നീട് ചേരിതിരിഞ്ഞുളള അടിയില് നിരവധി പേര്ക്ക് മര്ദനമേറ്റു. മുതിര്ന്ന നേതാക്കള് ഇടപെട്ടതോടെയാണ് അല്പം ശമനമുണ്ടായത്. പ്രശ്നം കൂടുതല് വഷളാകുമെന്ന ഘട്ടം വന്നതോടെ സമാപന സമ്മേളന ഭാഗമായി നിശ്ചയിച്ചിരുന്ന പ്രകടനം ഒഴിവാക്കുകയായിരുന്നു.
