കൊല്ലം: നഗരത്തില് മദ്യലഹരിയില് ഗര്ഭിണി ഉള്പ്പെടെയുള്ള കുടുംബത്തെയും തടയാന് എത്തിയ പോലീസുകാരെയും ആക്രമിച്ച സിപിഎം നേതാവ് പ്രദേശത്ത് സ്ഥിരം പ്രശ്നങ്ങള് ഉണ്ടാക്കുന്ന ആളാണെന്ന് നാട്ടുകാര്.
സിപിഎം ലോക്കല് കമ്മറ്റിയംഗവും നീണ്ടകര പഞ്ചായത്ത് ഏഴാം വാര്ഡ് മെമ്പറുമായ അന്റോണിയോ വില്യം, സുഹൃത്തുക്കളായ യേശുദാസ് സേവ്യര്, ആന്റണി ജോര്ജ് എന്നിവരാണ് മദ്യലഹരിയില് കഴിഞ്ഞ ദിവസം കൊല്ലം ജില്ലാ ജയിലിനു മുന്പിലും പോലീസ് സ്റ്റേഷനിലും ഭീകരാന്തരീക്ഷം സൃഷ്ടിച്ചത്. കോടതിയില് ഹാജരാക്കിയ മൂവരെയും റിമാന്ഡ് ചെയ്തു. കണ്ണനല്ലൂര് സുധീര് മന്സിലില് ഗര്ഭിണിയായ തസ്ലീമ (21), ഭര്ത്താവ് അനസ്(25), അനസിന്റെ സുഹൃത്ത് ഷെഫീക്ക് (22), കൊല്ലം വെസ്റ്റ് സ്റ്റേഷനിലെ ഗ്രേഡ് എസ്ഐമാരായ സത്യരാജ്, ജയലാല് എന്നിവര്ക്ക് മര്ദനത്തില് പരിക്കേറ്റു.
ആര്എസ്പി മണ്ഡലം പ്രസിഡന്റിനെ വീട്ടില് കയറി ആക്രമിച്ച കേസിലെ പ്രതിയാണ് അന്റോണിയോ വില്യം. പ്രദേശത്ത് നടക്കുന്ന പല അക്രമ പ്രവര്ത്തനങ്ങള്ക്കും നേതതൃത്വം നല്കുന്നത് ഇയാളാണ്. കഴിഞ്ഞ മാസം നടന്ന വാര്ഡിലെ ഗ്രാമസഭയില് ബിജെപി പ്രവര്ത്തകരെ കയ്യേറ്റം ചെയ്യാന് ഇയാള് ശ്രമിച്ചിരുന്നു.
പഞ്ചായത്തില് പുറമ്പോക്ക് ഭൂമി വ്യാപകമായി കയ്യേറുന്ന സംഘത്തിന് പിന്നിലും ആന്റോണിയോ വില്യമാണെന്ന് ആക്ഷേപമുണ്ട്. ഉദ്യോഗസ്ഥര് ഉള്പ്പെടുന്ന ലോബിയാണ് ഇതിനു പിന്നില്. ഈ സംഘത്തെ നിയന്ത്രിക്കുന്നത് അന്റോണിയോ വില്യമാണ്. സിപിഎമ്മിലെ പല നേതാക്കളും ഇയാളുടെ സഹായത്താല് പുറമ്പോക്ക് ഭൂമി കൈ ഏറിയതായി ആരോപണമുണ്ട്.
ഇതാണ് ഇത്രയും വിവാദ പ്രശ്നമുണ്ടായിട്ടും അന്റോണിയോ വില്യത്തിനെതിരെ നടപടിയെടുക്കാന് സിപിഎം നേതൃത്വം തയ്യാറാകാത്തത്.
പാര്ട്ടി മെമ്പറല്ലെന്ന് ആദ്യം പറഞ്ഞെങ്കിലും പിന്നീട് കമ്മറ്റി കൂടിയ ശേഷം തീരുമാനം കൈക്കൊള്ളുമെന്നാണ് സിപിഎം ലോക്കല് കമ്മറ്റി സെക്രട്ടറി പറയുന്നത്.
