സെക്ഷന് 3(2) ഫീസ് നിയന്ത്രണ സമിതിയുടെ രൂപീകരണം : വിരമിച്ച സുപ്രീം കോടതി/ഹൈക്കോടതി ജഡ്ജി ചെയര്പേഴ്സണായി പത്തംഗ സമിതി രൂപീകരിക്കണം. ഉന്നത വിദ്യാഭ്യാസ സെക്രട്ടറി മെമ്പര് സെക്രട്ടറിയായ സമിതിയില് ആരോഗ്യ, നിയമവകുപ്പ് സെക്രട്ടറിമാര്, മെഡിക്കല് എഡ്യൂക്കേഷന് ഡയറക്ടര്, എന്ട്രന്സ് കമ്മിഷണര്, സര്ക്കാര് നിര്ദേശിക്കുന്ന ചാര്ട്ടേഡ് അക്കൗണ്ടന്റ്, വിദ്യാഭ്യാസ വിദഗ്ദ്ധന്, ഇന്ത്യന് മെഡിക്കല് കൗണ്സില് അംഗം, പട്ടിക ജാതി, വര്ഗ വിഭാഗത്തിലെ വിദ്യാഭ്യാസ വിദഗ്ദ്ധന് എന്നിവര് സമിതിയിലുണ്ടാകണം. എന്നാല് സമിതിയുടെ ഘടന പുന:പരിശോധിക്കണം. ഇത്രയും വലിയ സമിതി വേണോ എന്ന്് തീരുമാനിക്കണം. കോടതി പറഞ്ഞൂ. ഫീസ് നിയന്ത്രണ സമിതിയുടെ യോഗത്തിന്റെ ക്വാറം നാല് ആയിരിക്കണമെന്ന നിര്ദേശം സമിതിയുടെ പ്രവര്ത്തന ലക്ഷ്യങ്ങള്ക്ക് വിരുദ്ധമാണ്, ഇതൊഴിവാക്കണം.
2. മാനേജ്മെന്റുകള് ഫീസ് നിര്ണയത്തിനുള്ള രേഖകളും ശുപാര്ശകളും സമിതിക്ക് നല്കണം. മെഡിക്കല് കോഴ്സിന്റെ ചെലവ്, അടിസ്ഥാന സൗകര്യമൊരുക്കാനുള്ള ചെലവുകള്, സ്ഥലത്തിന്റെയും കെട്ടിടത്തിന്റെയും മുതല് മുടക്ക്, എന്നീ ഘടകങ്ങള് കണക്കിലെടുത്ത് കൊള്ളലാഭവും വാണിജ്യവത്കരണവും അനുവദിക്കാതെ സമിതി ഫീസ് നിശ്ചയിക്കണം.
3. താല്കാലിക ഫീസ് നിര്ണയം സെക്ഷന് 8(1)(ബി) – : അന്തിമ ഫീസ് നിര്ണയിക്കാന് കാലതാമസമുണ്ടായാല് സമിതിക്ക് താല്കാലിക ഫീസ് നിശ്ചയിക്കാം. എന്നാല് ഇതിനുശേഷം 90 ദിവസത്തിനുള്ളില് അന്തിമ ഫീസ് നിശ്ചയിക്കണം. ഈ പ്രാവശ്യം താല്കാലിക ഫീസ് നിശ്ചയിച്ചത് മറ്റു നടപടി സാദ്ധ്യമല്ലാത്തതിനാല് അനുവദിക്കുന്നു. ഇത്തരത്തില് സമിതി താല്കാലിക ഫീസ് നിശ്ചയിക്കുന്നത് നിയമവിരുദ്ധമാണ്.
4. പ്രവേശനം സംബന്ധിച്ച വ്യവസ്ഥാ ലംഘനം സെക്ഷന് 8(4), 8(4)(ബി), 8(4)(ഡി), 8(4)(ഇ) : സ്വാശ്രയ മെഡിക്കല് പ്രവേശനത്തിലോ ഫീസിലോ വ്യവസ്ഥാ ലംഘനം കണ്ടെത്തിയാല് നടപടിക്ക് ശുപാര്ശ ചെയ്യാം. സ്വാശ്രയ സ്ഥാപനത്തിലെ ഒരു സീറ്റിലേയോ എല്ലാ സീറ്റിലെയോ പ്രവേശനം അസാധുവാക്കാം. ഏതെങ്കിലും മെഡിക്കല് കോഴ്സിലേക്ക് യുക്തമെന്ന് തോന്നുന്ന കാലയളവിലേക്ക് പ്രവേശനം തടയാനോ സീറ്റുകള് കുറയ്ക്കാനോ ഉത്തരവിടാം. സ്വാശ്രയ സ്ഥാപനത്തിന്റെ അംഗീകാരം റദ്ദാക്കാന് സര്വകലാശാലയ്ക്കോ അധികൃതര്ക്കോ ശുപാര്ശ നല്കാം.
5. പ്രവേശനം സെക്ഷന് 9(2) : പൊതു പ്രവേശന പരീക്ഷയിലെ യോഗ്യതയുടെ അടിസ്ഥാനത്തില് സര്ക്കാരിന് നിര്ണയിക്കാം. ഈ വ്യവസ്ഥകള് നിയമവിരുദ്ധമല്ലെന്നു കോടതി പറഞ്ഞു.
6. സര്ക്കാരും മാനേജ്മെന്റുകളുമായുള്ള കരാര് സെക്ഷന് 17 – : ഫീസ് ഉള്പ്പെടെയുള്ള സംഗതികളില് ഒന്നോ അതിലധികമോ സ്വകാര്യ മാനേജ്മെന്റുകളുമായി ഏതൊരു ഉടമ്പടിയിലുമേര്പ്പെടാമെന്ന വ്യവസ്ഥ അനുവദിക്കാനാവില്ലെന്നു കോടതി പറഞ്ഞു. ഇത്തരം നടപടി അനുവദിക്കാനാവില്ല, ഇതു നിയമവിരുദ്ധവും നടപ്പിലാക്കാന് പറ്റാത്തതുമായ വ്യവസ്ഥയാണ്. താല്കാലിക ഫീസ് നിശ്ചയിച്ചത് സെക്ഷന് 19 -താല്കാലിക ഫീസ് നിശ്ചയിച്ച നടപടി സാധുവാണെന്ന വ്യവസ്ഥയും ഹൈക്കോടതി തള്ളി. അന്തിമ ഫീസ് നിര്ണയിക്കും വരെ ഇതു നിലനില്ക്കുമെന്ന വ്യവസ്ഥയും കോടതി അംഗീകരിച്ചില്ല. എന്നാല് മറ്റു മാര്ഗങ്ങളില്ലാത്തതിനാല് ഇത്തവണ നിശ്ചയിച്ചത് അനുവദിക്കുന്നുവെന്നും കോടതി പറഞ്ഞു.
