കൊച്ചി: ജനജാഗ്രതാ യാത്രയ്ക്കായി മില്ലുടമകളില് നിന്ന് വന്തുക കൈപ്പറ്റി സിപിഎമ്മും സര്ക്കാറും നെല്ലുസംഭരണം അട്ടിമറിക്കുകയാണെന്ന് കര്ഷകമോര്ച്ച സംസ്ഥാന പ്രസിഡന്റ് പി.ആര്. മുരളീധരന് ആരോപിച്ചു.
കേന്ദ്രസര്ക്കാര് 15.50 രൂപയാണ് ഒരു കിലോ നെല്ലിന് നല്കുന്നത്. സംസ്ഥാന സര്ക്കാരും ഈ രൂപത്തില് വില നല്കിയാല് 31 രൂപ കര്ഷകന് ലഭിക്കും. അതിന് ശ്രമിക്കാതെ മില്ലുടമകളെ സഹായിക്കാനാണ് സര്ക്കാര് ശ്രമിച്ചത്. ഇത് കര്ഷക ദ്രോഹനടപടിയാണ്. താങ്ങുവില യഥാസമയം നല്കുക, ശാസ്ത്രീയ കൃഷി രീതി നടപ്പാക്കുക, കാര്ഷിക കടങ്ങള് എഴുതിത്തള്ളുക എന്നി ആവശ്യങ്ങളുന്നയിച്ച് 11 ന് സെക്രട്ടറിയേറ്റിലേക്ക് കര്ഷകമോര്ച്ച മാര്ച്ച് നടത്തുമെന്നും അദ്ദേഹം പറഞ്ഞു.
പത്രസമ്മേളനത്തില് ബിജെപി ജില്ലാ പ്രസിഡന്റ് എന്.കെ. മോഹന്ദാസ്, കര്ഷകമോര്ച്ച സംസ്ഥാന വൈസ് പ്രസിഡന്റ്മാരായ ആര്. സജികുമാര്, ജി.എസ് പുരുഷോത്തമന്. വി.എസ് സത്യന് എന്നിവര് പങ്കെടുത്തു.
