കൊട്ടാരക്കര: അഞ്ചുലക്ഷം രൂപയോളം വിലമതിക്കുന്ന പുകയില ഉല്പ്പന്നങ്ങളുമായി മദ്ധ്യവയസ്കന് പിടിയില്.
വാമനപുരം അമ്പലമുക്ക് സ്വദേശിയായ കിളിമാനൂര് രാജന് എന്നറിയപ്പെടുന്ന രാജന്പിള്ള(52)യാണ് പിടിയിലായത്. അഞ്ചു ചാക്കുകളിലായി പാന്പരാഗ്, ശംഭു, ഗണേശ്, ഹാന്സ് എന്നിവയുമായി കൊട്ടാരക്കരയില് വച്ചാണ് പിടിയിലായത്. രാജന്റെ ആഡംബരകാറായ നിസാന് സണ്ണിയിലാണ് പുകയില ഉല്പ്പന്നങ്ങള് സൂക്ഷിച്ചിരുന്നത്. നാളുകളായി രാജന്, കൊല്ലം റൂറല് എസ്പി: ബി.അശോകന്റെ കീഴിലുള്ള ഷാഡോപോലീസിന്റെ നിരീക്ഷണത്തിലായിരുന്നു. നാളുകളായി ഇയാള് കിളിമാനൂര്, കല്ലറ, ആറ്റിങ്ങല്, ചടയമംഗലം, വാളകം, കൊട്ടാരക്കര, കടയ്ക്കല് ഭാഗങ്ങളില് സ്ഥിരമായി ഇവ വിതരണം ചെയ്തിരുന്നു. വാമനപുരത്ത് ഇയാള് വീടിനോട് ചേര്ന്ന് ഹാര്ഡ്വെയേഴ്സ് നടത്തിവരികയാണ്. പോലീസിന്റെ ശ്രദ്ധക്കുറവുള്ള പുലര്ച്ചസമയമാണ് ഇയാള് വിതരണത്തിന് തെരഞ്ഞെടുത്തിരുന്നത്.
