ന്യൂദല്ഹി: നോട്ട് നിരോധനത്തിന്റെ ഒന്നാം വാര്ഷികമായ നവംബര് എട്ടിന് രാജ്യവ്യാപകമായി കള്ളപ്പണ വിരുദ്ധദിനം ആചരിക്കാന് ബിജെപി തീരുമാനിച്ചു. നവംബര് എട്ടിന് കരിദിനം ആചരിക്കാനുള്ള കോണ്ഗ്രസ് അടക്കമുള്ള പ്രതിപക്ഷ പാര്ട്ടികളുടെ ആഹ്വാനത്തിന് ചുട്ട മറുപടിയാണ് ബിജെപിയുടെ നടപടി.
കേന്ദ്രധനമന്ത്രി അരുണ് ജെയ്റ്റ്ലിയാണ് നവംബര് എട്ടിലെ കള്ളപ്പണ വിരുദ്ധ ദിനാചരണ പരിപാടികള് പ്രഖ്യാപിച്ചത്. ഇന്ത്യന് സമ്പദ് വ്യവസ്ഥയിലെ കള്ളപ്പണത്തിന്റെ സാന്നിധ്യം നിയന്ത്രിക്കാനോ തടയാനോ ഒരു നടപടിയും സ്വീകരിക്കാത്ത പാര്ട്ടിയാണ് കോണ്ഗ്രസ്.
കറന്സിരഹിത സമ്പദ്വ്യവസ്ഥയ്ക്ക് എക്കാലത്തും കോണ്ഗ്രസും കോണ്ഗ്രസ് നേതാക്കളും എതിരാണ്.
അവരുടെ വ്യക്തി താല്പ്പര്യങ്ങള്ക്ക് ഇത് വിഘാതമാണ്. പ്രതിപക്ഷത്തെ പതിനെട്ട് പാര്ട്ടികള് ചേര്ന്ന് നവംബര് എട്ടി ന് കരിദിനം ആചരിക്കാനാണ് തീരുമാനിച്ചിരിക്കുന്നത്.
