ന്യൂദല്ഹി : രാജ്യത്തേക്ക് നുഴഞ്ഞുകയറിയവരെയും നുഴഞ്ഞുകയറ്റക്കാരെ ഇന്ത്യയില് എത്തിക്കുന്ന രഹസ്യശൃംഖലകളെയും തകര്ക്കാന് ദേശീയ തലത്തില് സംയുക്തമായി നീങ്ങാന് എല്ലാ സംസ്ഥാനങ്ങളിലേയും ഡിജിപിമാരുടെ യോഗം വിളിച്ച് അമിത് ഷാ. ജൂലായ് 9ന് വിവിധ സംസ്ഥാനങ്ങളിലെ ഡിജിപിമാരുടെ യോഗത്തില് പ്രധാനമന്ത്രിയും പങ്കെടുക്കും.
ആധാര് ഉള്പ്പെടെയുള്ള കള്ളപ്രമാണങ്ങള് ചമയ്ക്കുന്നവരെയും പിടികൂടാന് സംവിധാനം രൂപീകരിക്കും. ഇന്റലിജന്സ് ബ്യൂറോ, ഇഡി, സിബിഐ, റോ തുടങ്ങിയ ദേശീയ ഏജന്സികള് വിവിധ സംസ്ഥാനങ്ങളിലെ ഡിജിപമാരുമായി കൈകോര്ത്താണ് ഈ പദ്ധതി നടപ്പാക്കുക.
ഇന്ത്യയില് താമസിക്കുന്ന ചൈനീസ് പൗരന്മാരുടെ സ്വാധീനവും ആധിപത്യവും കുറയ്ക്കാനും നടപടികളെടുക്കും. ഇതിന്റെ ഭാഗമായി ഇന്ത്യയിലെ വിവിധ സംസ്ഥാനങ്ങളില് താമസിച്ചുവരുന്ന ചൈനക്കാരുടെ വിവരങ്ങള് ഡിജിപിമാര് ദേശീയ സുരക്ഷാ ബോര്ഡിനെ അറിയിക്കണം. മുഴുവന് ചൈനീസ് പൗരന്മാരുടെയും വിശദാംശങ്ങള് നല്കാന് ആവശ്യപ്പെട്ടിരിക്കുകയാണ്. അരുണാചല് പ്രദേശ്, അസം, മറ്റ് വടക്ക് കിഴക്കന് സംസ്ഥാനങ്ങള്, തമിഴ്നാട്, കര്ണ്ണാടക, കേരളം തുടങ്ങി വിവിധ സംസ്ഥാനങ്ങളില് നിരവധി ചൈനക്കാര് താമസിക്കുന്നുണ്ട്.
ജൂലായ് 9 ന് നടക്കുന്ന ഡിജിപിമാരുടെ യോഗത്തില് മയക്കമരുന്ന് ഭീഷണി, നക്സല് പ്രശ്നം, മതപരിവര്ത്തനം തടയല് തുടങ്ങിയ വിഷയങ്ങളും ചര്ച്ചാ വിഷയമാകും.
