കണ്ണൂര്: വ്യാജരേഖ ചമച്ച് ഭൂമി തട്ടിയെടുക്കാന് ശ്രമിച്ച സംഭവത്തില് രണ്ട്പേര് അറസ്റ്റിലായി. കൊറ്റാളിയിലെ ശശിധരന്(63), പറശ്ശിനിക്കടവിലെ ടി.മനോഹരന്(60) എന്നിവരെയാണ് വളപട്ടണം പോലീസ് അറസ്റ്റ് ചെയ്തത്. പാപ്പിനിശ്ശേരിയിലെ കലശക്കാരന് കൃഷ്ണന്റെ പരാതിയിലാണ് അറസ്റ്റ്. മനോഹരന്റെ ഭാര്യാപിതാവാണ് കൃഷ്ണന്. കൃഷ്ണന്റെ ഉടമസ്ഥതയിലുള്ള 29 സെന്റ് സ്ഥലം കാല്ലക്ഷം രൂപ അഡ്വാന്സ് കൈപ്പറ്റി ശശിധരന് വില്പ്പന നടത്തിയതായി വ്യാജരേഖ ചമച്ചുവെന്നാണ് കേസ്. മനോഹരന്റെ ഭാര്യ കൂടിയായ മകള്ക്ക് കൃഷ്ണന് 10.5 സെന്റ് സ്ഥലം നേരത്തെ രജിസ്റ്റര് ചെയ്ത് നല്കിയിരുന്നു. അവശേഷിക്കുന്ന സ്ഥലം ആണ്മക്കള്ക്ക് നല്കാനായി കൃഷ്ണന് മാറ്റിവെച്ചതായിരുന്നു. എന്നാല് ആണ്മക്കള്ക്ക് നല്കുന്നത് തടയാന് കൃഷ്ണനറിയാതെ മനോഹരന് തന്റെ ബിനാമിയായ ശശിധരന് സ്ഥലം വില്പ്പന നടത്തിയതായി വ്യാജ എഗ്രിമെന്റ് ഉണ്ടാക്കിയെന്ന പരാതിയിലാണ് അറസ്റ്റ്.
വ്യാജരേഖ ചമച്ച് ഭൂമി തട്ടിയെടുക്കാന് ശ്രമം: രണ്ടു പേര് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.