അഹമ്മദാബാദ്: ഗോധ്ര തീവണ്ടി ആക്രമണ കേസില് 11 പ്രതികളുടെ വധശിക്ഷ ജീവപര്യന്തമാക്കി കുറച്ചു. കലാപത്തില് കൊല്ലപ്പെട്ടവരുടെ ബന്ധുക്കള്ക്ക് പത്ത് ലക്ഷം രൂപ വീതം നഷ്ടപരിഹാരം നല്കണമെന്നും ഗുജറാത്ത് ഹൈക്കോടതി വിധിച്ചിട്ടുണ്ട്.
2011ല് പ്രത്യേക കോടതി കേസിലെ പ്രതികളായ 11 പേര്ക്ക് വധശിക്ഷയും 20 പേര്ക്ക് ജീവപര്യന്തവും വിധിച്ചിരുന്നു. ഈ 11 പേരുടെ വധശിക്ഷയാണ് ജീവപര്യമന്തമായി ഹൈക്കോടതി കുറച്ചത്. 31 പേരുടെയും ശിക്ഷ കോടതി ശരിവെച്ചിട്ടുണ്ട്. 63 പേരേ വിചാരണ കോടതി വെറുതെ വിട്ടിരുന്നു.
2002 ഫെബ്രുവരി 27നാണ് ഗോധ്ര തീവണ്ടി ആക്രമണമുണ്ടാകുന്നത്. അയോദ്ധ്യയില് ദര്ശനം നടത്തിയശേഷം സബര്മതി എക്സ്പ്രസില് മടങ്ങുകയായിരുന്ന 59 രാമസേവകരാണ് തീവണ്ടിക്ക് തീവെച്ചതിനെ തുടര്ന്ന് വെന്തു മരിച്ചത്. ഗോധ്രയില് നിന്ന് 125 കിലോമീറ്റര് അകലെയായിട്ടാണ് സബര്മതി എക്സ്പ്രസാണ് ആക്രമിക്കപ്പെട്ടത്. തീവണ്ടി ആക്രമണത്തെ തുടര്ന്ന് ഗുജറാത്തിലെ വിവിധ ഭാഗങ്ങളില് വ്യാപകമായുണ്ടായ ആക്രമണങ്ങളില് 1000 പേരും കൊല്ലപ്പെട്ടിരുന്നു.
