ചാത്തന്നൂര്: ഉദ്ഘാടനം ചെയ്ത് രണ്ട് വര്ഷം പൂര്ത്തിയായിട്ടും പ്രവര്ത്തനം തുടങ്ങാത്ത ചാത്തന്നൂര് സ്വകാര്യ ബസ്സ്റ്റാന്റ് തുറക്കണമെന്നാവശ്യപ്പെട്ട് ബിജെപി ചാത്തന്നൂര് പഞ്ചായത്ത് സമിതിയുടെ നേതൃത്വത്തില് മാര്ച്ചും എംഎല്എ യുടെ കോലം കത്തിക്കലും നടത്തി.
പ്രതിഷേധ മാര്ച്ച് ബിജെപി ജില്ലാ വൈസ്പ്രസിഡന്റ് കെ.ആര്. ചന്ദ്രമോഹന് ഉദ്ഘാടനം ചെയ്തു. തുടര്ച്ചയായി രണ്ടു പ്രാവശ്യം എം.എല്.എ ആയിട്ടും ചാത്തന്നൂരിന്റെ വികസന പദ്ധതികള് നടത്തുന്നതില് എംഎല്എ പരാജയപ്പെട്ടെന്ന് അദ്ദേഹം കുറ്റപ്പെടുത്തി. ബസ് സ്റ്റാന്റുമായി ബന്ധപ്പെട്ട നിര്മാണ പ്രവര്ത്തനങ്ങള്ക്ക് 1.14 കോടിയോളം രൂപാ ചെലവഴിച്ചതായി രേഖകള് സൂചിപ്പിക്കുന്നു. ഇത്രയും രൂപയുടെ നിര്മാണം നടന്നിട്ടുണ്ടോ എന്ന് വിജിലന്സ് അടക്കമുള്ള ഉദ്യോഗസ്ഥര് പരിശോധിക്കണമെന്നും അദ്ദേഹം ആവശ്യപ്പെട്ടു. പള്ളിക്കമണ്ണടി പാലവും ചാത്തന്നൂര് കേന്ദ്രമായി താലൂക്ക് ആസ്ഥാനവും ചുവപ്പ് നാടയില് കുടുങ്ങിയത് എംഎല്എയുടെ കഴിവുകേടാണെന്നും അദ്ദേഹം പറഞ്ഞു ‘മാര്ച്ചിന് മണ്ഡലം ജനറല് സെക്രട്ടറി എസ്.പ്രശാന്ത്, വൈസ് പ്രസിഡന്റ് അനില് പൂയപള്ളി, പഞ്ചായത്ത്’ജനറല് സെക്രട്ടറി മോഹന്ജി, ശശാന്ത്, ദിലീപ്, ശ്യാം, ഷീജ, തങ്കമണി, ഏറം സന്തോഷ് , എസ് പ്രദീപ്, സുജിത്ത്, അഡ്വ അനീഷ്, നവീന് ജി കൃഷ്ണ എന്നിവര് നേതൃത്വം നല്കി.
