കണ്ണൂര്: കേരള സര്ക്കിള് ജിഎമ്മിന്റെ ഉത്തരവ് പ്രകാരം നടപ്പാക്കിയ പുതുക്കിയ വേതനം കണ്ണൂര്, കാസര്ക്കോട് ജില്ലയിലെ ബിഎസ്എന്എല്ലിന് കീഴില് ജോലി ചെയ്യുന്ന ഇന്ഫ്രാസ്ട്രക്ചര് മെയിന്റനന്സ് തൊഴിലാളികള്ക്ക് നടപ്പാക്കാത്തതില് പ്രതിഷേധിച്ച് വിമുക്തഭടന്മാര് അനിശ്ചിതകാലസമരത്തിലേക്ക്. തൊഴിലാളികളുടെ നിയമപരമായ വേതനം ഇല്ലാതാക്കുന്ന പ്രവണതയ്ക്കെതിരെയും മാനേജ്മെന്റിന്റെ വേതന നിഷേധത്തിനെതിരെയും പ്രതിഷേധസൂചകമായി ഇന്ന് കാലത്ത് 10.30 ന് ജില്ലാ ലൈബ്രറി ഹാളില് വെച്ച് സമരപ്രഖ്യാപന കണ്വെന്ഷന് നടത്തും. തുടര്ന്ന് ഒക്ടോബര് രണ്ട് മുതല് അനശ്ചിതകാല പണിമുടക്കും നടത്തും. ഐഎം തസ്തികയില് ജോലി ചെയ്യുന്നവരുള്പ്പെടെയുള്ള വിമുക്തഭടന്മാരുടെ പുതുക്കിയ വേതനം (സെമിസ്കില്ഡ്) 2015 ആഗസ്ത് മുതല് കേരളത്തിലെ മറ്റെല്ലാ ജില്ലകളിലും നടപ്പാക്കിയപ്പോള് കണ്ണൂര് ജില്ലാ ബിഎസ്എന്എല് മാനേജ്മെന്റ് സ്വന്തം ഇഷ്ടപ്രകാരം അണ്സ്കില്ഡ് വേതനം നല്കി തൊഴിലാളികളെ വഞ്ചിക്കുകയാണ് ചെയ്തതെന്ന് ആള് കേരള എക്സ് സര്വ്വീസ്മെന് സെക്യൂരിറ്റി സ്റ്റാഫ് ആന്റ് അലൈഡ് സര്വ്വീസ് അസോസിയേഷന് ഭാരവാഹികള് വാര്ത്താസമ്മേളനത്തില് പറഞ്ഞു. ബിഎസ്എന്എല് മാനേജ്മെന്റും ഏജന്സിയും നടത്തുന്ന ഈ വഞ്ചനക്കെതിരെ റീജിയണല് ലേബര് കമ്മീഷണര് മുമ്പാകെ പരാതി നല്കിയിട്ടും ഇതുവരെ ഒരു തീരുമാനവും ബിഎസ്എന്എല്ലിന്റെ ഭാഗത്ത് നിന്നോ ഏജന്സിയായ മുഴപ്പിലങ്ങാട്ടെ വൈഷ്ണവ് സെക്യൂരിറ്റി സര്വ്വീസിന്റെ ഭാഗത്ത് നിന്നോ ഉണ്ടായിട്ടില്ല. ഇരുവരും ഒത്തുകളിച്ച് 18 മാസക്കാലം തൊഴിലാളികളെ വഞ്ചിക്കുകയായിരുന്നു. ഒക്ടോബര് 14 മുതല് നിലവില് വന്ന ഏജന്സിയെ പുതിയ ടെണ്ടര് വിളിക്കാതെ കാലയളവുകള് കൂട്ടികൊടുക്കുകയാണ് മാനേജ്മെന്റ് ചെയ്യുന്നത്. വാര്ത്താസമ്മേളനത്തില് എം.രാധാകൃഷ്ണന്, പി.സുകുമാരന്, കെ.മനോജ്കുമാര് എന്നിവര് പങ്കെടുത്തു.
സമരപ്രഖ്യാപന കണ്വന്ഷന് ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.