കണ്ണൂര്: കണ്ണൂര് കലക്ടറേറ്റിലെ നിരവധി ഓഫീസുകളില് കഴിഞ്ഞ തിങ്കളാഴ്ച പുലര്ച്ചെ നടന്ന കവര്ച്ചയുമായി ബന്ധപ്പെട്ട് രണ്ടുപേര് അറസ്റ്റിലായി. കോഴിക്കോട് സ്വദേശി കുന്തന് തോട്ടത്തില് ബിനോയ്(28), പേരാവൂര് സ്വദേശിയായ കൂരാക്കുണ്ടില് ഹൗസില് കെ.വി.മത്തായി എന്ന ഓന്തു മത്തായി (50) എന്നിവരേയാണ് ടൗണ് സിഐ രത്നകുമാറിന്റെ നേതൃത്വത്തിലുളള പോലീസ് സംഘം അറസ്റ്റു ചെയ്തത്. മറ്റൊരു കേസില് ജയിലില് കഴിയുകയായിരുന്ന ഇരുവരും ഏതാനും ദിവസം മുമ്പാണ് പുറത്തിറങ്ങിയത്. വിരലടയാളം കേന്ദ്രീകരിച്ച് നടത്തിയ അന്വേഷണത്തിലാണ് പ്രതികളെ കണ്ടെത്താന് സഹായിച്ചതെന്ന് പോലീസ് പറഞ്ഞു. ടൗണ് എഎസ്ഐ എച്ച്.ഉണ്ണികൃഷ്ണന്റെ നേതൃത്വത്തില് മോഷണം അന്വേഷിക്കാന് കഴിഞ്ഞ ദിവസം പ്രത്യേ ക പോലീസ് സംഘത്തെ നിയോഗിച്ചിരുന്നു.
കലക്ടറുടെ ഓഫീസിന് താഴെ നിലയില് പ്രവര്ത്തിക്കുന്ന ഭാഗ്യക്കുറി ക്ഷേമനിധി ഓഫീസിലും ഗ്രാമവികസന ഓഫീസിലും ദാരിദ്ര്യലഘൂകരണ ഓഫീസിലും കാന്റീനിലുമായിരുന്നു കള്ളന് കയറിയത്. കലക്ടറേറ്റ് കാന്റീനിലെ മേശവലിപ്പിലുണ്ടായിരുന്ന 20,000 രൂപയും കവര്ന്നിരുന്നു. ദാരിദ്ര്യ ലഘൂകരണ ഓഫീസിന്റെ കമ്പ്യൂട്ടര് റൂമിന്റെ പൂട്ട് തകര്ത്ത് അകത്ത് കടന്ന് ഗ്രാമവികസന വകുപ്പില് കയറി ഫയലുകളും മറ്റുപകരണങ്ങളും വാരിവലിച്ചിടുകയും ലോട്ടറി തൊഴിലാളി ക്ഷേമനിധി ബോര്ഡ് ഓഫീസില് നിന്ന് 1500 രൂപ കവരുകയും ചെയ്തിരുന്നു. ആര്ടി ഓഫീസിനടുത്തുള്ള മില്മ ബൂത്തിലും കവര്ച്ചാശ്രമം നടന്നിരുന്നു. ജില്ലാ ഭരണകൂടത്തിന്റെ ആസ്ഥാനത്ത് കള്ളന് കയറിയത് ഏറെ വിമര്ശനങ്ങള്ക്ക് വിധേയമായിരുന്നു.
പോലീസ് രഹസ്യാന്വേഷണ വിഭാഗം ഓഫീസും ഉത്തരമേഖലാ ഐജിയുടെയും മറ്റും ആസ്ഥാനവും സ്ഥിതി ചെയ്യുന്ന സ്ഥലത്തു നിന്നും വാരകള് മാത്രം അകലെ നടന്ന മോഷണവുമായി ബന്ധപ്പെട്ട് പോലീസിന് ഏറെ പഴികേള്ക്കേണ്ടി വന്നിരുന്നു. സിവില് പോലീസ് ഓഫീസര്മാരായ മഹിജന്,സജിത്ത്,രജ്ഞിത്ത്,സ്നേഹേഷ്,ശിവാനന്ദന് എന്നിവരും പ്രതികളെ അറസ്റ്റു ചെയ്ത പോലീസ് സംഘത്തിലുണ്ടായിരുന്നു.
പാര്ട്ടി ഗ്രാമത്തിലെ സമരം അവസാനിപ്പിക്കാനാവാതെ സിപിഎം നേതൃത്വം
