കുന്നത്തൂര്: തിരക്കേറിയ ഭരണിക്കാവ് ടൗണില് മാലിന്യം കലര്ന്ന ജലം ഒഴുകാന് തുടങ്ങിയിട്ട് ദിവസങ്ങളായിട്ടും നടപടിയെടുക്കാതെ അധികൃതര്. രണ്ടാഴ്ച്ച മുന്പാണ് ടൗണില് ശാസ്താംകോട്ട റോഡ് ഭാഗത്ത് വെള്ളമൊഴുക്കാരംഭിച്ചത്.
ഓടയോട് ചേര്ന്നുള്ള പ്രധാന പൈപ്പ്ലൈന് പൊട്ടിയതാകും വെള്ളമൊഴുക്കിന് കാരണം എന്നാണ് നിഗമനം. ഓട നിറഞ്ഞ് മാലിന്യങ്ങള് പ്രധാന പാതയിലേക്ക് ഒഴുകിയിറങ്ങുന്നത് യാത്രക്കാര്ക്ക് വലിയ ബുദ്ധിമുട്ടാണ് സൃഷ്ടിക്കുന്നത്.
വാഹനങ്ങള് രൂക്ഷമായ ദുര്ഗന്ധം നിറഞ്ഞ മലിനജലം തെറിപ്പിച്ച് കടന്ന് പോകുന്നത് കാല്നട യാത്രക്കാരെയും സമീപത്തെ വ്യാപാര സ്ഥാപനങ്ങളേയും കഷ്ടപ്പാടിലാക്കുന്നു. കുടിവെള്ള പൈപ്പ് ലൈനാണ് പൊട്ടിയതെങ്കില് മാലിന്യം കുടിവെള്ളത്തില് കലരാനും ഇടയാകും. പ്രശ്നം എന്താണെന്ന് പരിശോധി്ക്കാന് പോലും ഇതുവരെ അധിക്യതര് തയ്യാറായിട്ടില്ല. ചില വ്യാപാര സ്ഥാപനങ്ങളുടെ കക്കൂസ് മാലിന്യ പൈപ്പുകള് ഉള്പ്പെടെ ഓടയിലേക്കാണ് തുറന്നിരിക്കുന്നത് എന്നതിനാല് തന്നെ ഇതഗുരുതര ആരോഗ്യ പ്രശ്നങ്ങള്ക്കും ഇടയാക്കും.
