തിരുവനന്തപുരം: സ്മാര്ട്ട്സിറ്റി പ്രത്യേക ദൗത്യ സേനയുടെ രണ്ടാമത്തെ യോഗം ഇന്ന് ചേരും. ചീഫ് സെക്രട്ടറിയായി കെ.എം.എബ്രഹാം ചുമതലയേറ്റ ശേഷം ചേരുന്ന സ്മാര്ട്ട് സിറ്റി തിരുവനന്തപുരം ലിമിറ്റഡിന്റെ ആദ്യ ഡയറക്ടര് ബോര്ഡ് യോഗമാണ് ഇന്ന് നടക്കുന്നത്. വൈകുന്നേരം 3ന് ചീഫ് സെക്രട്ടറിയുടെ ചേമ്പറിലാണ് യോഗം. സ്മാര്ട്ട് സിറ്റിയുടെ തുടര് പ്രവര്ത്തനങ്ങള്ക്കായി കണ്സള്ട്ടന്സിയെ ക്ഷണിക്കുന്നതിനുള്ള വിജ്ഞാപനം പുറത്തിറക്കുന്ന കാര്യം യോഗം ചര്ച്ചചെയ്യും. ഇതുവരെ പൂര്ത്തീകരിച്ച നടപടികള് മേയറും കമ്പനി സിഇഒ കെ.ഗോപാലകൃഷ്ണനും ചീഫ് സെക്രട്ടറിയോട് വിശദീകരിക്കും.
എന്നാല് സ്മാര്ട്ട്സിറ്റി യോഗവുമായി ബന്ധപ്പെട്ട് കൈക്കൊണ്ടിട്ടുള്ള നടപടിക്രമങ്ങളെക്കുറിച്ച് കൗണ്സിലര്മാരെ അറിയിക്കുന്നില്ലെന്ന ആരോപണം ഉയര്ന്നു. പദ്ധതി പൂര്ണ്ണമായും സമയബന്ധിതമായി നടപ്പിലാക്കണമെങ്കില് കൗണ്സിലര്മാരുടെ പിന്തുണവേണം. ചില സ്ഥലങ്ങളില് ഭൂമി ഏറ്റെടുക്കല് ഉള്പ്പെടെയുള്ളവ നടപ്പിലാക്കണം. മേയറാണ് വിവിധ യോഗങ്ങളില് പങ്കെടുക്കുന്നത്. ഇതിനിടയില് നിരവധി തവണ കൗണ്സില് യോഗങ്ങള് കൂടിയെങ്കിലും ഇതുവരെ കൈക്കൊണ്ട നടപടിക്രമങ്ങളെക്കുറിച്ച് വിശദീകരിക്കാന് യോഗങ്ങളില് മേയര് തയ്യാറായിട്ടില്ല. വിവരങ്ങള് ആദ്യം അറിയേണ്ട കൗണ്സില് അംഗങ്ങള്ക്ക് ഇത് സംബന്ധിച്ച് മാധ്യമങ്ങളില് വരുന്ന വാര്ത്തകളെ അറിയാവൂ. സ്മാര്ട്ട് സിറ്റിയുമായി ബന്ധപ്പെട്ട് നടന്ന വോട്ടെടുപ്പിലും മറ്റ് നടപടിക്രമങ്ങളിലും ഭരണപ്രതിപക്ഷമില്ലാതെ അംഗങ്ങള് പങ്കെടുത്തു. എന്നാല് പദ്ധതി നടത്തിപ്പ് സംബന്ധിച്ച് യാതൊരു അറിവും ഇല്ല. വിവരങ്ങള് യഥാസമയം അറിയിക്കാത്തതിനാല് സ്മാര്ട്ട് സിറ്റിയെക്കുറിച്ച് ഇതുവരെകൈക്കൊണ്ട നടപടിക്രമങ്ങളെക്കുറിച്ച് വിശദീകരിക്കാന് സ്പെഷ്യല് കൗണ്സില് യോഗം വിളിച്ചുകൂട്ടാന് ആവശ്യപ്പെടാനുള്ള നീക്കത്തിലാണ് ബിജെപി അംഗങ്ങള്.
