മൂലമറ്റം: കെഎസ്ഇബിയുടെ ഓണ്ലൈന് ബില്ലിങ് താളം തെറ്റുന്നു. ഒരു മാസമായി ഓണ്ലൈന് വഴി അടച്ചവരുടെ പണം സ്വന്തം അക്കൗണ്ടില് നിന്ന് പോകുകയും കെഎസ്ഇബിയുടെ അക്കൗണ്ടില് എത്താതെ വരുകയുമാണ്.
അധികൃതര് ഫ്യൂസ് ഊരാന് എത്തുമ്പോഴാണ് പലരും പണം കെഎസ്ഇബിയുടെ അക്കൗണ്ടില് ചെന്നിട്ടില്ല എന്നറിയുന്നത്. ഇങ്ങനെ പണം നഷ്ടപ്പെട്ടവര് നിരവധിയാണ്. പരാതിയുമായി അധികൃതരെ സമീപിച്ചാല് സൈറ്റിന്റെ തകരാര് ആണ,് ഉടന് പരിഹരിക്കും എന്ന മറുപടി മാത്രമാണ് കിട്ടുന്നത്. കെഎസ്ഇബി ഓണ്ലൈന് പേയ്മെന്റിനുള്ള സംവിധാനം ഒരുക്കിയിരിക്കുന്നത് എസ്ബിഐ മുഖേനയാണ്. എസ്ബിഐയുടെ സൈറ്റും കെഎസ്ഇബിയുടെ സൈറ്റും തമ്മില് ലിങ്ക് ചെയ്യാത്തതാണ് പ്രശ്നങ്ങളുടെ കാരണം.
ഇത്രയും പ്രധാനപ്പെട്ട ഓണ്ലൈന് സംവിധാനത്തിനുണ്ടായിരിക്കുന്ന തകരാര് പരിഹരിക്കാന് അധികൃതര് കാട്ടുന്നത് കടുത്ത അലംഭാവമാണ്. ഓണ്ലൈന് വഴി പണമടച്ചവരുടെ അക്കൗണ്ടില് നിന്ന് പണം പോയതിനാല് ഉപഭോക്താക്കള് കടുത്ത ആശങ്കയിലാണ്. ഓണ്ലൈന് വഴി വൈദ്യുതി ചാര്ജ് അടച്ചവര് ഇനി എന്ത് ചെയ്യുമെന്നറിയാതെ നട്ടംതിരിയുകയാണ്.
പ്രതികരിക്കാൻ ഇവിടെ എഴുതുക: