എടത്വാ: പേമാരിയെ തുടര്ന്ന് ഇടിഞ്ഞുവീണ വീട്ടില്നിന്ന് വ്യദ്ധസ്ത്രീയെ പുനരധിവാസ കേന്ദ്രത്തിലേക്ക് മാറ്റി. തലവടി നീരേറ്റുപുറം ഐഒബിക്ക് സമീപം പാപ്പനവേലില് കുട്ടന്റെ ഭാര്യ സുമതിയെയാണ് ആനപ്രമ്പാല് സ്നേഹഭവനിക്ക് മാറ്റിയത്.
തലവടി ഗ്രാമപഞ്ചായത്തംഗം അജിത്ത് കുമാര് പിഷാരത്തിന്റെ ഇടപെടലാണ് വ്യദ്ധയ്ക്ക് താങ്ങായത്. എടത്വാ എസ്ഐമാരായ സതീശന്, പ്രസന്നന്, ഗ്രേഡ് എസ്ഐ ശിവപ്രസാദ്, എഎസ്ഐ വിജയകുമാര്, തലവടി വില്ലേജ് ഓഫീസര് പ്രതാപന്, അസ്സി. വില്ലേജ് ഓഫീസര്മാരായ ജോര്ജ്ജ്, ബാലകൃഷ്ണന്, സ്നേഹഭവന് സെക്രട്ടറി ജോണിക്കുട്ടി എന്നിവര് സുമതിയെ സ്നേഹഭവനിലേക്ക് മാറ്റുകയായിരുന്നു. ആരുംതുണയില്ലാതെ കഴിയുന്ന വ്യദ്ധദമ്പതികളുടെ ദുരിതത്തെക്കുറിച്ച് വില്ലേജ് ഓഫീസര് കുട്ടനാട് തഹസില്ദാര്ക്കും, ജില്ലാ കളക്ടറിനും റിപ്പോര്ട്ട് നല്കി. എണ്പത് വയസ് പിന്നിട്ട കുട്ടപ്പന് ഇപ്പഴും തകര്ന്ന വീട്ടിലാണ് അന്തിയുറങ്ങുന്നത്. കുട്ടപ്പന്റെ മേല് ഇഷ്ടിക പതിച്ചെങ്കിലും നിസ്സാര പരിക്കുകളോടെ രക്ഷപെട്ടിരുന്നു.
