ചാത്തന്നൂര്: ഇത്തിക്കര ബ്ലോക്ക് പഞ്ചായത്തില് ഗ്രാമ നീതി ന്യായാലയം സ്ഥാപിക്കുന്നതിന് നടപടി സ്വീകരിക്കുമെന്ന് മന്ത്രി മെഴ്സിക്കുട്ടിയമ്മ.
ഇത്തിക്കര ബ്ലോക്ക് പഞ്ചായത്ത് 57 ലക്ഷത്തോളം രൂപ ചിലവഴിച്ച് നിര്മിച്ച ബഹുനില കെട്ടിടം ഉദ്ഘാടനം ചെയ്യുകയായിരുന്നു അവര്. കാഷ്യൂ കോര്പ്പറേഷനില് 5000 തൊഴിലാളികളെയും കാപെക്സ് ഫാക്ടറിയില് 2500 പേരെയും പുതുതായി എടുക്കുന്നതിനുളള നടപടി ഉണ്ടാകും. ഓണം ആഘോഷിക്കുന്നതിന് അടച്ചിട്ടിരിക്കുന്ന കശുവണ്ടി ഫാക്ടറികളിലെ തൊഴിലാളികള്ക്ക് 2000 രൂപയും 10 കിലോ അരിയും വിതരണം ചെയ്യും. പരമ്പരാഗത വ്യവസായങ്ങളെ പുനരുജ്ജീവിപ്പിക്കാനുള്ള നടപടി സര്ക്കാര് തുടങ്ങി. ഇതിന്റെ ഭാഗമായി എല്ലാ കൈത്തറി സംഘങ്ങളെയും പ്രവര്ത്തനക്ഷമമാക്കാന് തീരുമാനിച്ചെന്നും ഏഴാംക്ലാസ് വരെ എല്ലാ കുട്ടികള്ക്കും വസ്ത്രം സൗജന്യമായി നല്കി കൈത്തറിയെ സംരക്ഷിക്കാനുള്ള ശ്രമത്തിലാണെന്നും മന്ത്രി പറഞ്ഞു.
ജി.എസ്.ജയലാല് എംഎല്എ അദ്ധ്യക്ഷത വഹിച്ചു. ജില്ലാ പഞ്ചായത്തംഗങ്ങളായ വി.ജയപ്രകാശ്, എന്.രവീന്ദ്രന്, ഗ്രാമ പഞ്ചായത്ത് പ്രസിഡന്റ് കെ.നിമ്മി, ബിജെപി സംസ്ഥാന കമ്മിറ്റിഅംഗം ബി.ബി.ഗോപകുമാര്, എസ്.പ്രകാശ്, സദാനന്ദന്പിള്ള, പി.വി.സത്യന് എന്നിവര് സംസാരിച്ചു.
ബ്ലോക്ക് പഞ്ചായത്ത് സെക്രട്ടറി ടി.ബീനാകുമാരി റിപ്പോര്ട്ട് അവതരിപ്പിച്ചു.പ്രസിഡന്റ് മായാസുരേഷ് സ്വാഗതവും വൈസ് പ്രസിഡന്റ് എ.സുന്ദരേശന് നന്ദിയും പറഞ്ഞു.
