ബെംഗളൂരു: കാമുകിയുമായി കറങ്ങുന്നതിനായി ബൈക്കുകള് മോഷിടിച്ചിരുന്ന കൗമാരക്കാരന് പിടിയില്. സര്ഹന്ദെപാലയ സ്വദേശിയായ വസീം എന്ന് വിളിപ്പേരുള്ള വസീം അക്രമാണ്(24) പിടിയിലായത്. കാമുകിയുമായി ദീര്ഘദൂര യാത്ര ചെയ്യുന്നതിനാണ് ഈ വാഹനങ്ങള് ഉപയോഗിച്ചിരുന്നത്. എന്നാല് മോഷ്ടിക്കപ്പെട്ടിട്ടുള്ള ബൈക്കുകളിലാണ് താന് ഇതുവരെ യാത്ര ചെയ്തിരുന്നതെന്ന് പെണ്കുട്ടി അറിഞ്ഞിരുന്നില്ല.
അതേസമയം ബെംഗളൂരു പശ്ചിമ വിഭാഗം കഴിഞ്ഞദിവസം നടത്തിയ അന്വേഷണത്തില് നഗരത്തിന്റെ വിവിധ ഭാഗങ്ങളില് നിന്നായി 60ഓളം വാഹന മോഷ്ടാക്കള് അറസ്റ്റിലായി. ഇവരില് നിന്ന് 153 ഇരുചക്ര വാഹനങ്ങളും ആറ് കാറുകളും അന്വേഷണ സംഘം പിടിച്ചെടുത്തിട്ടുണ്ട്. 80 ലക്ഷം രൂപ വിലമതിക്കുന്നതാണ് ഇവ. കോളേജില് നിന്നും പുറത്താക്കപ്പെട്ട വന്ദേല് എന്നറിയപ്പെടുന്ന രഞ്ജിത് ഇളങ്കോവന്(21), ബൈക്ക് രാജ എന്ന് വിളിപ്പേരുള്ള മാരിമുത്ത് മുനിസ്വാമി(21) എന്നിവരാണ് ഇവരില് ഏറ്റവും പ്രായം കുറഞ്ഞത്.
റാഗിഗുഡ്ഡ സ്വദേശികളാണ് ഇരുവരും. ഇതില് ഒരാള് ബൈക്കുകള് മോഷ്ടിച്ച് സംഘട്ടനവും ചിത്രീകരിച്ചിരുന്നു. അതിനുശേഷം വാഹനങ്ങളെല്ലാം വിവിധ സ്ഥലങ്ങളില് ഉപേക്ഷിക്കുകയാണ് പതിവ്. ജയനഗര്, ജെ. പി. നഗര്, വില്സണ് ഗാര്ഡന്, സാംപങ്കിരാംനഗര്, ബനശങ്കരി, സൗത്ത് ബെംഗളൂരു എന്നിവിടങ്ങളില് നിന്നാണ് ഇവര് വാഹനങ്ങള് മോഷ്ടിക്കുന്നത്.
2015ല് ആദ്യ വര്ഷ ഡിഗ്രി പരീക്ഷയില് തോറ്റതിനുശേഷം ഇരുവരേയും ക്ലാസ്സില് നിന്ന് പുറത്താക്കി. അതിനുശേഷം 25ഓളം വാഹനങ്ങള് ഇവര് മോഷ്ടിച്ചിട്ടുണ്ട്. ജയനഗറില് രണ്ട് യുവാക്കള് സ്റ്റണ്ട് അവതരിപ്പിക്കുന്നതായി പോലീസ് കണ്ട്രോള് റൂമില് നിര്ദ്ദേശം ലഭിച്ചതിനെ തുടര്ന്ന് പോലീസെത്തി അറസ്റ്റ് ചെയ്യുകയും മോഷണം നടന്ന വിവിധ സ്ഥലങ്ങളിലെ സിസിടിവി ദൃശ്യങ്ങളില് നിന്ന് പോലീസ് ഇവരെ തിരിച്ചറിയുകയുമായിരുന്നു.
