തിരുവനന്തപുരം: മഴക്കുറവുമൂലമുള്ള പ്രശ്നങ്ങള് പരിഹരിക്കുന്നതിന് സര്ക്കാര് കൈക്കൊള്ളാനുദ്ദേശിക്കുന്ന സത്വര നടപടികള് മുഖ്യമന്ത്രി പിണറായി വിജയന് നിയമ സഭയില് വിശദീകരിച്ചു.
കേരളത്തില് കാലവര്ഷത്തില് 29.1 ശതമാനം കുറവാണ് രേഖപ്പെടുത്തിയത്. സപ്തംബര് വരെയുള്ള കാലവര്ഷ സമയത്ത് നല്ല മഴ കിട്ടിയില്ലെങ്കില് നിലവിലെ പ്രതിസന്ധി അതീവ രുക്ഷമാകും. ഈ സാഹചര്യത്തെ അതിജീവിക്കാന് ദീര്ഘകാല നയരൂപീകരണ നടപടികള് സ്വീകരിക്കേണ്ടതുണ്ട്.
ഈ വര്ഷം ഇനി ലഭിക്കുന്ന മഴവെളളം പരമാവധി കിണറുകളിലും കുളങ്ങളിലും സംഭരിക്കുന്നതിന് അടിയന്തര നടപടി സ്വീകരിക്കാന് യോഗത്തില് തീരുമാനമായി. മഴവെളളം കിണറുകളിലേക്ക് തിരിച്ചുവിടാന് സംവിധാനം ഉണ്ടാക്കും. മുഴുവന് കിണറുകളും ഈ പരിപാടിയില് കൊണ്ടുവരാനാണ് തീരുമാനം. കുളങ്ങള്, തോടുകള് എന്നിവയുടെ നവീകരണവും തടയണകളുടെ നന്നാക്കലും നടപ്പാക്കും.
