വൈപ്പിന്: പതിനാറുകാരി പ്രസവിച്ച സംഭവത്തില് 33കാരന് അറസ്റ്റിലായി. ഫോര്ട്ട് കൊച്ചി നസ്രത്ത് തറേപ്പറമ്പില് ബൈജു (രാജേഷ്-33) ആണ് അറസ്റ്റിലായത്. ചൈല്ഡ് ലൈനില് ലഭിച്ച പരാതിയുടെ അടിസ്ഥാനത്തിലാണ് പോലീസ് കേസെടുത്തത്. വൈപ്പിന് ഫെറിയിലെ ജീവനക്കാരനായിരുന്ന പ്രതി യാത്രക്കിടെ പരിചയപ്പെട്ട ബാലികയെ കഴിഞ്ഞവര്ഷം ജനുവരി 9ന് യുവാവ് കൊടുങ്ങല്ലൂര് ക്ഷേത്രത്തില് വെച്ച് താലികെട്ടിയതാണെന്നാണ് പോലീസ് പറയുന്നത്. ഇതിനിടയില് രണ്ട് മാസം മുമ്പാണ് ബാലിക പ്രസവിച്ചത്.
ആശുപത്രിയില് വയസ് തിരുത്തി 20 എന്ന് പറഞ്ഞാണത്രേ പ്രസവത്തിനായി പ്രവേശിച്ചത്. ഇതിനിടെ യുവാവിനു വേറെ ഭാര്യയും മക്കളും ഉണ്ടെന്നാരോപിച്ച് ബാലിക യുവാവുമായി ഇടയുകയും യുവാവിനെതിരെ ചൈല്ഡ് ലൈനില് പരാതി നല്കുകയുമായിരുന്നു. അന്വേഷണത്തില് ഫോര്ട്ട് വൈപ്പിനില് നിന്നും സിഐ കെ. ഉല്ലാസാണ് പ്രതിയെ അറസ്റ്റ് ചെയ്തത്. പ്രതിയെ റിമാന്റ് ചെയ്തു.
