എരുമേലി: സാമൂഹിക ആരോഗ്യ കേന്ദ്രത്തില് ഐ സി സി യൂണിറ്റ് സ്ഥിരമായി പ്രവര്പ്പിക്കണമെന്ന കോടതി ഉത്തരവ് നടപ്പാക്കാത്ത ആരോഗ്യ വകുപ്പിനെതിരെ കോടതിയലക്ഷ്യ കേസ്. മനുഷ്യാവകാശ പ്രവര്ത്തകനായ എച്ച്. അബ്ദുള് അസീസ് ഉപലോകായുക്ത് ജസ്റ്റിസ് കെ. പി. ബാലചന്ദ്രന് മുന്പാകെ നല്കിയ ഹര്ജിയിന്മേല് മൂന്നു തവണ ലോകായുക്ത ഡിവിഷണല് ബഞ്ച് ഐ സി സി യൂണിറ്റ് പ്രവര്ത്തിക്കാന് ആരോഗ്യവകപ്പിന് ഉത്തരവ് നല്കുകയായിരുന്നു. എന്നാല് കോടതി ഉത്തരവ് നടപ്പിലാക്കാത്തതിനെതിരെ ഹര്ജിക്കാരനായ എച്ച്. അബ്ദുള് അസീസ് ഉപലോകായുക്ത് ജസ്റ്റിസ് കെ. പി. ബാലചന്ദ്രന് മുന്പാകെ കോടതിയലക്ഷ്യ ഹര്ജി നല്കിയിരുന്നു.
ആശുപത്രിയില് ഐ സി സി യൂണിറ്റ് സ്ഥിരമായി തുടങ്ങിയെന്ന ഗവ.പ്ലീഡര് മുന്പാകെ കോടതിയെ അറിയിച്ചതും തിരിച്ചടിയായി. ഹര്ജിക്കാരനെ തന്നെ ആശുപത്രി സന്ദര്ശിച്ച് ഐ സി സി യൂണിറ്റ് സംബന്ധിച്ച് നിജസ്ഥിതി ബോധ്യപ്പെടുത്താന് ഉപലോകായുക്ത കോടതി നിര്ദ്ദേശിച്ചു. വര്ഷങ്ങള്ക്ക് മുന്പ് പണിതിരിക്കുന്ന ഐ സി സി യൂണിറ്റില് ജീവനക്കാരെ നിയമിക്കുകയോ, പ്രവര്ത്തിപ്പിക്കുകയോ ചെയ്തിട്ടില്ലെന്ന് ഹര്ജിക്കാരന് ബോധ്യപ്പെടുത്തിയതോടെ ആരോഗ്യ വകുപ്പിനോട് വരുന്ന ഒന്പതിന് വീണ്ടും കോടതിയില് ഹാജരാകാന് നിര്ദ്ദേശിച്ചിരിക്കുകയാണ്. അടുത്ത ബുധനാഴ്ച്ചയ്ക്കകം ആരോഗ്യ വകുപ്പ് ഡയറക്ടര് എരുമേലി സര്ക്കാര് ആശുപത്രി സന്ദര്ശിച്ച് ഐ സി സി യൂണിറ്റ് പ്രവര്ത്തിപ്പിച്ചത് വിശദവിവരങ്ങള് നല്കണമെന്നും കോടതി കര്ശന നിര്ദ്ദേശം നല്കി.
