ചേര്ത്തല: അധികൃതരുടെ മൂക്കിന് താഴെ ലഹരിമാഫിയ ചുവട് ഉറപ്പിക്കുന്നു. വയലാര്, പട്ടണക്കാട് പഞ്ചായത്തുകളുടെ അതിര്ത്തിയിലെ പുതിയകാവ്, ഉഴുവ തുടങ്ങിയ മേഖലയിലാണ് കഞ്ചാവ് മാഫിയ പിടിമുറുക്കിയിരിക്കുന്നത്.
സന്ധ്യയാകുന്നതോടെ മേഖലയിലെത്തുന്ന യുവാക്കള് കൂട്ടംചേര്ന്ന് ലഹരിവസ്തുക്കള് ഉപയോഗിക്കുന്നതായി വ്യാപകമായി പരാതി ഉയര്ന്നിട്ടും പോലീസ്, എക്സൈസ് അധികാരികള് തിരിഞ്ഞ് നോക്കുന്നില്ലെന്നാണ് പ്രദേശവാസികള് ഉയര്ത്തുന്ന വിമര്ശനം. മേഖലയിലെ ആള്താമസമില്ലാത്ത വീടുകളും കുറ്റിക്കാടുകളും ഇത്തരക്കാരുടെ താവളമായി മാറുകയാണ്.
ലഹരിക്ക് അടിമപ്പെട്ടവര് തമ്മില്തല്ലുകയും സാമൂഹ്യവിരുദ്ധ പ്രവര്ത്തനങ്ങളില് ഏര്പ്പെടുകയും ചെയ്യുന്നത് പ്രദേശത്തെ ജനജീവിതം ദുസഹമാക്കിയിരിക്കുകയാണ്. മേഖലയിലേക്ക് ലഹരിവസ്തുക്കള് എത്തിക്കുന്നത് എറണാകുളം, തോപ്പുംപടി, മട്ടാഞ്ചേരി തുടങ്ങിയ സ്ഥലങ്ങളില് നിന്നാണ്. സ്കൂള് കുട്ടികളെ ഉപയോഗിച്ച് കൂടുതല് ആള്ക്കാരെ ലഹരിമാഫിയയുടെ കണ്ണികളാക്കാന് ഇത്തരക്കാര് നീക്കം നടത്തുന്നതായാണ് വിവരം. പ്രദേശത്തെ ചില വ്യാപാര സ്ഥാപനങ്ങളിലും നിരോധിത പുകയില ഉല്പ്പന്നങ്ങളുടെ വില്പ്പനയും ഉപയോഗവും തകൃതിയായിട്ടുണ്ട്.
മദ്യത്തിന്റെ ലഭ്യതക്കുറവും പോലീസ് പരിശോധനയില് പിടിക്കപ്പെടില്ല എന്നതും ലഹരി ഉപയോഗം വര്ധിക്കാന് കാരണമായിട്ടുണ്ട്. ലഹരിക്ക് അടിമപ്പെട്ടവര് പിന്നീട് ക്വട്ടേഷന് ഗുണ്ടാ സംഘാംഗങ്ങളായി മാറുകയാണ്. ബോധവല്ക്കരണം അടക്കമുള്ള പരിപാടികള് തുടര്ച്ചയായി സംഘടിപ്പിച്ച് യുവാക്കളെ ലഹരിമാഫിയയുടെ പിടിയില് നിന്ന് മോചിപ്പിക്കണമെന്ന ആവശ്യം ശക്തമായിട്ടുണ്ട്.
അധികാരികള് ഇത് സംബന്ധിച്ച് നടപടികള് കൈക്കൊള്ളാത്ത പക്ഷം സ്ക്വാഡുകള് രൂപീകരിച്ച് പ്രദേശത്ത് നിരീക്ഷണം നടത്തി ഇത്തരക്കാരെ തുരത്താനാണ് നാട്ടുകാരുടെ തീരുമാനം.
