കണ്ണൂര്: മുഖ്യമന്ത്രി പിണറായി വിജയന്റെ പ്രൈവറ്റ് സെക്രട്ടറി എം.വി.ജയയരാന്റെ ഭാര്യക്ക് തിരുവനന്തപുരത്തേക്ക് ഡപ്യൂട്ടേഷന്. കേരളത്തില് ആരംഭിക്കാന് പോകുന്ന കേരള ബാങ്കിന്റെ ടാസ്ക് ഫോഴ്സിലാണ് ജയരാജന്റെ ഭാര്യ കെ.ലീനക്ക് ഡപ്യൂട്ടേഷന് നിയമനം ലഭിച്ചിരിക്കുന്നത്. നിലവില് കണ്ണൂര് ജില്ലാ സഹകരണ ബാങ്കില് ജീവനക്കാരിയാണ് ലീന. എന്നാല് മുഖ്യമന്ത്രി പിണറായി വിജയന്റെ പ്രൈവറ്റ് സെക്രട്ടറിയായി എം.വി.ജയരാജന് തിരുവനന്തപുരത്തേക്ക് താമസം മാറ്റിയ സാഹചര്യത്തില് ലീനക്കും തിരുവനന്തപുരത്തേക്ക് മാറാനുള്ള സാഹചര്യമുണ്ടാക്കാനാണ് സിപിഎം നേതൃത്വം ഡപ്യൂട്ടേഷന് നിയമനം നടത്തിയതെന്ന ആരോപണം ഉയര്ന്നു കഴിഞ്ഞു. ജില്ലാ സഹകരണ ബാങ്കിന്റെ പ്രവര്ത്തനം കണ്ണൂര് ജില്ലക്കകത്ത് ഒതുങ്ങി നില്ക്കുന്നതിനാല് മറ്റ് ജില്ലകളിലേക്ക് സ്ഥലം മാറ്റാന് നിലവിലെ സാഹചര്യത്തില് സാധ്യമല്ല. ഈ സാഹചര്യത്തിലാണ് സിപിഎം ഡപ്യൂട്ടേഷന് എന്ന നിലയില് തിരുവനന്തപുരത്തേക്ക് സ്ഥലം മാറ്റം അനുവദിച്ചത്. കണ്ണൂര് ജില്ലയിലെ ആശ്രിത നിയമനവുമായി ബന്ധപ്പെട്ട് പി.കെ.ശ്രീമതി എംപിക്കും ഇ.പി.ജയരാജന് എംഎല്എക്കുമെതിരെ നടപടി നിലനില്ക്കെയാണ് എം.വി.ജയരാജന് വേണ്ടിയും ഡപ്യൂട്ടേഷന് എന്ന നാടകം അരങ്ങേറിയിരിക്കുന്നത്.
