കട്ടപ്പന: ബിജെപി ആഹ്വാനം ചെയ്ത ഹര്ത്താലിന്റ മറവില് ഉപ്പുതറ മത്തായിപ്പാറയില് സാമൂഹ്യ വിരുദ്ധര് അഴിഞ്ഞാടി. വാര്ത്ത ശേഖരിച്ച് മടങ്ങിയ മാധ്യമ പ്രവര്ത്തകരുടെ വാഹനം തടഞ്ഞിട്ട് ഭീഷണിപ്പെടുത്തുകയും, അസഭ്യം പറയുകയും ചെയ്തു.
വിവരമറിഞ്ഞ് സ്ഥലത്തെത്തിയ ബിജെപി നേതാക്കള്ക്ക് നേരെയും സാമൂഹ്യ വിരുദ്ധര് പ്രശ്നമുണ്ടാക്കി. ഇന്നലെ 2.15 ഓടെ മത്തായിപ്പാറ ജംഗ്ഷനിലാണ് സംഭവം. മദ്യലഹരിയില് രാവിലെ മുതല് ഇതുവഴി വന്ന വാഹനങ്ങള് തടഞ്ഞിടുകയും അപമര്യാദയായി പെരുമാറുകയും ചെയ്തിരുന്നു. വാര്ത്ത ശേഖരിച്ചു മടങ്ങിയ പ്രര്ത്തകരേയും തടഞ്ഞിട്ടു. മാധ്യമ പ്രവര്ത്തകരാണെന്ന് അറിയിച്ചപ്പോള് അസഭ്യം പറയുകയും, 6 മണി കഴ
ിഞ്ഞ് പോയാല് മതിയെന്നു പറഞ്ഞ് വാഹനത്തിന് ഊടുവച്ച് തടസ്സം സൃഷടിച്ചു.
വാക്കേറ്റം സംഘര്ഷത്തിലേക്ക് നീങ്ങുന്നതിനിടെ ഉപ്പുതറ എസ്ഐ എസ് കിരണിന്റെ നേതൃത്വത്തില് പോലീസെത്തി. പോലീസ് വാഹനം അകലെ നിന്നു വരുന്നതു കണ്ടതോടെ അക്രമികള് ഓടി രക്ഷപ്പെട്ടു. പോലീസ് പിന്തുടര്ന്നെങ്കിലും പിടികൂടാനായില്ല. ബിജെപി നേതാക്കള് അറിയിച്ചതനുസരിച്ച് വിവിധ സ്ഥലങ്ങളില് നിന്നും കൂടുതല് പ്രവര്ത്തകരും സ്ഥലത്തെത്തി. മത്തായിപ്പാറ സ്വദേശികളായ കിഴക്കേപ്പുതുവല് അജോ, ഇലവുങ്കല് സാബു, പാറയില് രതീഷ്, എന്നിവരുടെ നേതൃത്വത്തിലാണ് വാഹനം തടഞ്ഞതും സംഘര്ഷമുണ്ടാക്കിയതും. മാധ്യമ പ്രവര്ത്തകരുടെ പരാതിയില് ഇവര്ക്കെതിരെ കേസെടുത്തു. ആര് ഹര്ത്താല് നടത്തിയാലും മത്തായിപ്പാറയില് ഇവരുടെ നേതൃത്വത്തില് വാഹനം തടഞ്ഞ് പ്രശ്നമുണ്ടാക്കുന്നത് പതിവാണെന്ന് നാട്ടുകാര് പറഞ്ഞു.
