പീരുമേട്: വണ്ടിപ്പെരിയാര് ടൗണില് ഓട കൈയേറി കടമുറി പണിതത് പൊളിച്ച് മാറ്റണമെന്ന ആവശ്യം ശക്തമാകുന്നു. ടൗണിലെ വ്യാപാര സ്ഥാപനങ്ങളില് നിന്നും മറ്റും ഒഴുകിയെത്തുന്ന മലിന ജലം ഈ വഴിയാണ് പെരിയാര് തോട്ടിലേക്ക് ഒഴുകിയിരുന്നത്. ഇതിന് മുകളിലെ സ്ലാബ് കൈയേറിയാണ് സ്വകാര്യ വ്യക്തി കടമുറി പണിതത്.
ദേശീയപാതയില് ടൗണിന്റെ ഹൃദയഭാഗത്തായാണ് ഇത്തരത്തില് അനധികൃത നിര്മ്മാണം നടത്തിയിരിക്കുന്നത്.രണ്ടാഴ്ചമുമ്പ് ഇതിന് മുന്ഭാഗത്ത് ഉണ്ടായിരുന്ന ട്രാന്സ്ഫോര്മര് നീക്കിയതിനെ തുടര്ന്നാണ് കൈയേറ്റം നാട്ടുകാരുടെ ശ്രദ്ധയില്പ്പെടുന്നത്. ടൗണില് ഇത്തരത്തില് സര്ക്കാര് ഭൂമി അനധികൃതമായി കൈയേറി കെട്ടിടം നിര്മ്മിച്ചിട്ടുണ്ട്.
ഇതിനെതിരെ അധികൃതര് വേണ്ട നടപടി സ്വീകരക്കണമെന്നാണ് നാട്ടുകാരുടെ ആവശ്യം.
