ചങ്ങനാശ്ശേരി: കത്തെഴുത്ത് പ്രോത്സാഹിപ്പിക്കാന് ഭാരതീയ തപാല് വകുപ്പ് ദേശീയ കത്തെഴുത്ത് മത്സരം ‘ഢായി അക്ഖര്’ സംഘടിപ്പിക്കുന്നു. ‘പ്രീയപ്പെട്ട ബാപ്പു (ഗാന്ധിജി) അങ് എനിക്ക് പ്രചോദനമാകുന്നു’ എന്നതാണ് വിഷയം. 500 വാക്കില് കവിയാതെ ഇന്ലന്റില് എഴുതിയോ 1,000 വാക്കുകളില് കവിയാതെ എ4 പേപ്പറിലോ കത്തെഴുതാം.
ചീഫ് പോസ്റ്റ്മാസ്റ്റര് ജനറല്, കേരള സര്ക്കിള് തിരുവനന്തപുരം-695033 എന്ന മേല്വിലാസത്തില് അയയ്ക്കണം. ഇംഗ്ലീഷ്, ഹിന്ദി, മലയാളം ഭാഷകളില് എഴുതാവുന്നതാണ്. ദേശീയ തലത്തില് ഒന്നും രണ്ടും മൂന്നും സ്ഥാനം നേടുന്നവര്ക്ക് ഗാന്ധി ജയന്തി ദിനത്തില് സബര്മതി ആശ്രമത്തില് നടക്കുന്ന സമ്മാനദാന ചടങ്ങില് 50,000, 25,000, 10,000 രൂപയുടെ ക്യാഷ് അവാര്ഡ് നല്കും. ഒന്നാം സ്ഥാനം നേടുന്നയാള്ക്ക് പാട്രണ് ഓഫ് പോസ്റ്റ് പദവി നല്കി ആദരിക്കും. സംസ്ഥാന തലത്തില് ഒന്നും രണ്ടും മൂന്നും സ്ഥാനങ്ങള്ക്ക് യഥാക്രമം 25,000, 10,000,5,000 എന്നീ ക്രമത്തില് ക്യാഷ് അവാര്ഡ് നല്കും.
മികച്ച 10 കത്തുകളുടെ പ്രദര്ശനവും ഗാന്ധി ജയന്തിദിനത്തോടനുബന്ധിച്ച് തിരുവനന്തപുരത്ത് നടത്തും. ഇന്ലന്റില് അയക്കുന്നവ, കവറില് അയക്കുന്നവ, പതിനെട്ട് വയസ്സിന് താഴെ, പതിനെട്ട് വയസ്സിനു മുകളില് എന്നീ നാല് വിഭാഗങ്ങളായിട്ടാണ് മത്സരം. മത്സരാര്ത്ഥിയുടെ വയസ് കത്തിന് ചുവടെ സ്വയം സാക്ഷ്യപ്പെടുത്തണം. ആഗസ്റ്റ് 15 ആണ് കത്തുകള് അയക്കേണ്ട അവസാന തീയതി.
തൊട്ടടുത്ത തപാല് ആഫീസിലെ പോസ്റ്റ്മാസ്റ്ററെ നേരിട്ട് ഏല്പ്പിക്കുകയോ, ഹെഡ്് പോസ്റ്റോഫീസുകളില് ഇതിനായി സ്ഥാപിച്ചിട്ടുള്ള പ്രത്യേക തപാല്പെട്ടിയില് നിക്ഷേപിക്കുകയോ വേണം.കൂടുതല് വിവരങ്ങള്ക്ക് ംംം.ശിറശമുീേെ.ഴീ്.ശി
