തലശ്ശേരി: വീടുകളില് സോളാര് ഉപകരണങ്ങള് സ്ഥാപിച്ചു നല്കാമെന്ന് വാഗ്ദാനം ചെയ്ത് തലശ്ശേരിയിലെ അഞ്ച് ഡോക്ടര്മാരില് നിന്നും മുന്കൂര് പണം വാങ്ങി വിശ്വാസ വഞ്ചന നടത്തുകയും പിന്നീട് വണ്ടിച്ചെക്ക് നല്കി കബളിപ്പിച്ചുന്നുമുള്ള കേസിന്റെ വിചാരണ നടപടികള് ആഗസ്റ്റ് 29 ന് തലശ്ശേരി ജുഡീഷ്യല് ഒന്നാം ക്ലാസ് മജിസ്ട്രേട്ട് കോടതിയില് ആരംഭിക്കും. കേസില് കുറ്റാരോപിതരായ മണിമോന്, ബിജു രാധാകൃഷ്ണന്, സരിത എസ്.നായര് എന്നിവരോട് അന്നേ ദിവസം ഹാജരാവാന് കോടതി ഉത്തരവിട്ടു. കഴിഞ്ഞ ദിവസം കേസ് പരിഗണിച്ചപ്പോള് ബിജു രാധാകൃഷ്ണന് മാത്രമേ ഹാജരായിരുന്നുള്ളൂ. തുടര്ച്ചയായി കോടതിയില് എത്താതിരുന്ന സരിതാ എസ്.നായര് ഹാജരാക്കിയ മെഡിക്കല് സര്ട്ടിഫിക്കറ്റ് കോടതി പരിഗണിച്ചു. തിരുവങ്ങാട്ടെ സോക്ടര്മാരായ ശ്യാം മോഹന്, അനൂപ് കോശി, മനോജ് കുമാര്, സുനില്കുമാര്, അഭിലാഷ് ആന്റണി എന്നിവരെയാണ് സരിതയും സംഘവും കബളിപ്പിച്ചിരുന്നത്. ഓരോരുത്തരില് നിന്നും 2 ലക്ഷം വീതം കൈപ്പറ്റിയ ശേഷമാണ് വണ്ടിച്ചെക്ക് നല്കിയത്. ഡോക്ടര്മാര് തലശ്ശേരി പോലീസില് നല്കിയ പരാതിയെ തുടര്ന്നാണ് കേസെടുത്തത്. 5 ചെക്ക് കേസുകളും 3 പോലീസ് കേസുകളുമാണ് അടുത്ത മാസം 29 ന് വിചാരണയ്ക്കെത്തുന്നത്.
വണ്ടിച്ചെക്ക് കേസില് സരിതാ നായര്ക്കെതിരെയുള്ള വിചാരണ ആഗസ്റ്റ് 29 ന് തുടങ്ങും; ബിജു രാധാകൃഷ്ണനും സരിതയും മണിമോനും ഹാജരാവണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.