പാനൂര്: ബിജെപി പ്രവര്ത്തകനെ കളളക്കേസില് കുടുക്കി പാനൂര് പോലീസ്. വൈദ്യര്പീടികയ്ക്കു സമീപത്തെ തുണ്ടിയില് അരവിന്ദനെ അക്രമിച്ച സംഭവത്തിലാണ് ബിജെപി പ്രവര്ത്തകനായ ആദര്ശി(30)നെ പാനൂര് എസ്ഐ ടി.എന്.സുരേഷ്ബാബു കേസില് ഉള്പ്പെടുത്തി ജയിലിലഅടച്ചത്. നിരവധി സാമ്പത്തിക ഇടപാടുകളില് ഉള്പ്പെട്ട അരവിന്ദനെ കഴിഞ്ഞ ശനിയാഴ്ചയാണ് മുഖംമൂടി സംഘം അക്രമിച്ചത്. പാനൂര് പോലീസ് സ്റ്റേഷനില് തന്നെ ഇയാള്ക്കെതിരെ ചെക്കു കേസ് നിലവിലുണ്ട്. എല്ഐസി ഏജന്റായ അരവിന്ദന് പലരെയും കബളിപ്പിച്ച് പണം വകമാറ്റുക പതിവായിരുന്നു. ഇയാള്ക്കെതിരെ നിരവധി പരാതികള് നിലവിലുണ്ട്.
സിപിഎം സമ്മര്ദ്ധത്തെത്തതുടര്ന്നാണ് ബിജെപി പ്രവര്ത്തകനെ കളളകേസില് ഉള്പ്പെടുത്തിയിട്ടുളളത്. ഭരണത്തിന്റെ തണലില് എന്തുമാകാമെന്ന ധിക്കാരമാണ് സിപിഎം പോലീസിനെ ഉപയോഗിച്ച് നടത്തുന്നതെന്ന് ബിജെപി മണ്ഡലം ജനറല് സെക്രട്ടറി കെ.കെ.ധനഞ്ജയന് കുറ്റപ്പെടുത്തി. സംഭവത്തില് സംഘപരിവാര് പ്രസ്ഥാനങ്ങള്ക്ക് പങ്കില്ലെന്നും അക്രമത്തെ കുറിച്ച് സമഗ്രാന്വേഷണം വേണമെന്നും അദ്ദേഹം പ്രസ്താവനയില് ആവശ്യപ്പെട്ടു.
