ആലുവ: ഗതാഗത കുരുക്കിന് കാരണമായ ടോറസ് നീക്കുന്നതിനെ ചൊല്ലിയുള്ള തര്ക്കത്തിനിടെ എട്ടംഗ സംഘം സഹോദരങ്ങളെ തല്ലിച്ചതച്ചു.
കഴിഞ്ഞ ദിവസം രാത്രി 11 മണിയോടെ തോട്ടക്കാട്ടുകരയ്ക്ക് സമീപമാണ് സംഭവം. കടുങ്ങല്ലൂര് ഏലൂക്കര ചേരിയില് വീട്ടില് ശ്രീകുമാര് (33), സഹോദരന് ശ്രീജിത്ത് (30) എന്നിവര്ക്കാണ് മര്ദ്ദനമേറ്റത്.
കണ്ടാലറിയാവുന്ന എട്ട് പേരാണ് ആക്രമണം നടത്തിയതെന്ന് ചികിത്സയിലുള്ള ഇരുവരും പോലീസിന് മൊഴി നല്കി. അക്വഡേറ്റിന് സമീപം ഗതാഗതകുരുക്കില്പ്പെട്ട ടോറസ് സൈഡിലേക്ക് നീക്കുന്നതിന് െ്രെഡവറെ ശ്രീകുമാര് സഹായിച്ചു. ഈ സമയം മറ്റ് വാഹനങ്ങളിലായി ഇവിടെയെത്തിയ പ്രതികളുമായി തര്ക്കമുണ്ടായി. ഇതേതുടര്ന്നായിരുന്നു മര്ദ്ദനം. ശ്രീകുമാറിനാണ് കൂടുതല് പരിക്കേറ്റിട്ടുള്ളത്.
പ്രതികള്ക്കെതിരെ കേസെടുത്തിട്ടുണ്ടെങ്കിലും അറസ്റ്റ് ചെയ്യാത്തതില് പ്രതിഷേധം ശക്തമാണ്.
