ഇരിട്ടി: ഇരിട്ടി സബ് ഡിവിഷന് കീഴിലെ അസി.എഞ്ചിനീയര് മുതല് എക്സിക്യുട്ടീവ് എഞ്ചിനീയര്വരെയുള്ളവരുടെ കാര്യാലയങ്ങള് ഒരു കെട്ടിടത്തിനകത്ത് വരുന്ന രീതിയില് ഇരിട്ടിയില് വൈദ്യുതഭവന് നിര്മ്മിക്കാനാവശ്യമായ പ്രവര്ത്തനം ത്വരിതപ്പെടുത്താന് പേരാവൂര് മണ്ഡലതല വൈദ്യുത വകുപ്പ് അവലോകനയോഗത്തില് തീരുമാനമായി. മേഖലയില് വ്യാപകമായി ഉണ്ടാവുന്ന വൈദ്യുതി തടസ്സം പരിഹരിക്കാന് ആവശ്യമായ നടപടികള് സ്വീകരിക്കാനും യോഗം തീരുമാനിച്ചു.
ഇരിട്ടിയില് വൈദ്യുത വകുപ്പിന് സ്വന്തമായുള്ള സ്ഥലത്ത് വൈദ്യുതിഭവന് നിര്മ്മിക്കാനായി ഇതിന്റെ പ്ലാനും എസ്റ്റിമേറ്റും ഇതിനകം ബോര്ഡിന് സമര്പ്പിച്ചു കഴിഞ്ഞു. എംഎല്എയുടെ നേതൃത്വത്തില് ഇതിനാവശ്യമായ ഉത്തരവും പണവും ലഭ്യമാക്കുന്നതിനുള്ള ശ്രമം തുടരും.
ബാരാപ്പോളില് നിന്നും മഴ ശക്തിപ്പെട്ടതോടെ പൂര്ണതോതില് വൈദ്യുതി ഉല്പാദനം ആരംഭിച്ചതായും, കേളന്പീടിക സബ്സ്റ്റേഷന്പുറമെ ചരളിലേക്കും, പാലത്തും കടവിലേക്കും 3 കെവി യുടെ രണ്ട് ഫീഡര് ലൈന് വഴി നേരിട്ട് വൈദ്യുതി വിതരണം നടത്താന് നടപടി സ്വീകരിച്ചതായും എക്സിക്യുട്ടീവ് എഞ്ചിനീയര് പറഞ്ഞു.
വള്ളിത്തോട് സബ് ഡിവിഷന് വേണ്ടി കെട്ടിടം പണിയാന് 50 ലക്ഷം രൂപയുടെ എസ്റ്റിമേറ്റ് തയ്യാറക്കി കഴിഞ്ഞു. ഡിവിഷനില് ഒഴിവുള്ള അഞ്ച് എഇമാരുടെ ഒഴിവില് പിഎസ്സി നിയനം നടത്തി കഴിഞ്ഞതായും ഉടന് ചുമതല യേല്ക്കുമെന്നും അദ്ദേഹം യോഗത്തെ അറിയിച്ചു.
കെഎസ്ടിപി റോഡ് നിര്മാണത്തിന്റെ പേരില് ഭൂഗര്ഭ കേബിളുകള് തകര്ത്ത് വൈദ്യുതി ബന്ധം താറുമാറാക്കുന്നതിനെതിരെ യോഗത്തില് വിമര്ശന മുയര്ന്നു. മുന്കൂട്ടി അനുമതി വാങ്ങി പ്രവര്ത്തി നടത്തണമെന്നാണ് കെഎസ്ടിപി നിര്ദ്ദേശമെങ്കിലും കാരാറുകാര് ഈ നിര്ദ്ദേശം ലംഘിക്കുന്നതാണ് കാരണമെന്നും ഇതിനെതിരെ കര്ശന നിര്ദ്ദേശം നല്കിയിട്ടുണ്ടെന്നും ഇവര് അറിയിച്ചു.
യോഗത്തില് സണ്ണി ജോസഫ് എംഎല്എ അദ്ധ്യക്ഷത വഹിച്ചു. ബ്ലോക്ക് പഞ്ചായത്തു പ്രസിഡന്റ് മാരായ എന്.ടി.റോസമ്മ, ടി.പ്രസന്ന, ഇരിട്ടി നഗരസഭാ ചെയര്മാന് പി.പി.അശോകന്, പഞ്ചായത്തു പ്രസിഡണ്ടുമാരായ എന്. അശോകന്, ബാബു ജോസഫ്, ഷിജി നടുപ്പറമ്പില്, ഷീജ സബാസ്റ്റിന്, മൈഥിലി രമണന്, ഇന്ദിര ശ്രീധരന്, ജിജി ജോയ്, ജില്ലാ പഞ്ചായത്തംഗം തോമസ് വര്ഗ്ഗീസ്,എക്സികുട്ടീവ് എഞ്ചിനീയര് എസ്.എം.എ.ലത്തീഫ്, അസി.എക്സി.എഞ്ചിനീയര് എം.ടി.ബിനു, എഞ്ചിനീയര് മാരായ എന്.ജെ.മാത്യു, സി.കെ.അനന്തന്, സുനില്കുമാര് തുടങ്ങിയവര് പങ്കെടുത്തു.
