നിത്യവും വിഷ്ണു സഹസ്രനാമം ജപിച്ച് ശ്രീകൃഷ്ണ ഭഗവാനെ സേവിക്കാന് ഭീഷ്മ പിതാമഹന് പഞ്ചപാണ്ഡവന്മാരെ ഉപദേശിച്ചു.
എന്നാല് തിരക്കിട്ട ഇന്നത്തെ ജീവിതത്തില് വിഷ്ണു സഹസ്രനാമം മുഴുവന് ജപിക്കാന് സമയം കിട്ടിയില്ലെങ്കില് എന്തു ചെയ്യുമെന്ന് പാണ്ഡവര്ക്കു സംശയം.
പാണ്ഡവരുടെ സംശയം അവര്ക്കു വേണ്ടി മാത്രമുള്ളതല്ല. കലിയുഗത്തിലെ മനുഷ്യ സമൂഹത്തിനു മുഴുവന് വേണ്ടിയുള്ളതാണ് ആ സംശയം.
അതിന് ഭീഷ്മ പിതാമഹന് മറുപടി നല്കി. ഇക്കാര്യത്തില് പണ്ട് ശ്രീപരമേശ്വരനു മുന്നില് ശ്രീപാര്വതീ ദേവി ഈ സംശയമുന്നയിച്ചിരുന്നു. അതിന് ശ്രീപരമേശ്വരന് നല്കിയ മറുപടി.
‘ ശ്രീരാമരാമ രാമേതി രമേ രാമേ മനോരമേ
സഹസ്രനാമ തത്തുല്യം രാമനാമവരാനനേ’ എന്നായിരുന്നു. ശ്രീരാമരാമ രാമ എന്നു മാത്രം ജപിച്ചാലും സഹസ്രനാമം ജപിച്ച ഫലം കിട്ടും.
പറഞ്ഞത് പ്രപഞ്ച നന്മക്കായി കാളകൂടം വിഷം അനായസമെടുത്തു കുടിച്ച ലോക ഗുരുവായ ശ്രീപരമേശ്വരന്. ശ്രോതാവ് ലോക മാതാവായ ശ്രീപാര്വതി പറഞ്ഞതും സമൂഹ നന്മക്കു വേണ്ടി. കേട്ടതും ലോക നന്മക്കായി. അതാണ് രാമനാമ മാഹാത്മ്യമെന്ന് ഭീഷ്മാചര്യന് പാണ്ഡവര്ക്ക് വ്യക്തമാക്കിക്കൊടുത്തു.
