വൈപ്പിന്: രാമായണ ശീലുകള് അന്തരീക്ഷത്തില് മുഴങ്ങുന്ന കര്ക്കിടകമാസത്തിനു തുടക്കം കുറിച്ച് വൈപ്പിന് കരയിലെ വിവിധ ക്ഷേത്രങ്ങളില് ഗണപതി ഹോമവും ഗജപൂജയും ആനയൂട്ടും നടന്നു. നായരമ്പലം സുബ്രഹ്മണ്യ വിലാസം സഭ വക സുബ്രഹ്മണ്യ ക്ഷേത്രത്തില് മേല്ശാന്തി പ്രശാന്ത് കുമാര് കൊടുങ്ങല്ലൂരിന്റെ കാര്മികത്വത്തില് അഷ്ടദ്രവ്യ മഹാഗണപതി ഹോമവും ഗജപൂജയും ആനയൂട്ടും നടന്നു.
പള്ളത്താം കുളങ്ങര ഭഗവതി ക്ഷേത്രത്തില് ക്ഷേത്രം തന്ത്രി വേഴപ്പറമ്പ് മന കൃഷ്ണന് നമ്പൂതിരിയുടെ കാര്മികത്വത്തില് 108 നാളികേരത്തിന്റെ ഗണപതി ഹോമവും ഗജപൂജയും ആനയൂട്ട് എന്നിവ നടന്നു.
ചെറായി സമുദായ ചന്ദ്രിക സഭ തിരുമനാംകുന്നു ഭഗവതി ക്ഷേത്രത്തില് മഹാഗണപതി ഹോമവും ഭഗവത് സേവയും നടന്നു. ക്ഷേത്രം മേല്ശാന്തി പ്രസാദ് എടവനക്കാട് കാര്മികത്വം വഹിച്ചു.
